សារសំខាន់នៃការរួមគ្នាល្បាតនិងការពារព្រៃព្រះរកានៅខេត្តព្រះវិហារ
បណ្ដាញព្រះសង្ឃ សហគមន៍ និងមន្ត្រីបរិស្ថាន បានរួមគ្នាជាលើកដំបូងចុះទៅល្បាតព្រៃព្រះរកាជាតំបន់ព្រៃអភិរក្ស ដែលមានទីតាំងនៅក្នុងខេត្តព្រះវិហារ។ ក្នុងរយៈពេលពីរថ្ងៃពីរយប់នៃយុទ្ធការល្បាតព្រៃ ដែលស្ទើរពុំមានការឈប់សម្រាកកាលពីចុងខែតុលា ក្រុមនេះចាប់បានបទល្មើស រឹបអូសសម្ភារៈ និងនាំខ្លួនមនុស្សមួយចំនួនទៅតុលាការ។
ក្រុមអ្នកល្បាតព្រៃរំពឹងថា ប្រសិនបើមានការចូលរួមគ្នាដោយស្មោះត្រង់បន្តទៀត នោះនឹងអាចរួមគ្នារក្សាព្រៃព្រះរកាឲ្យបានគង់វង្ស។
ក្រៅពីចាប់បទល្មើសកាប់បំផ្លាញព្រៃឈើ ក្រុមបណ្ដាញព្រះសង្ឃ បានបំបួសដើមឈើធំៗមួយចំនួនក្នុងព្រៃព្រះរកា ដែលមានន័យសេចក្ដីថា ព្រៃនេះជាព្រៃរក្សាទុកមិនត្រូវកាប់បំផ្លាញឡើយ។
«ព្រះសង្ឃសូត្រធម៌បំបួសព្រៃ»
ស្ថាបនិកបណ្ដាញព្រះសង្ឃឯករាជ្យដើម្បីយុត្តិធម៌សង្គម ព្រះតេជព្រះគុណ ប៊ុត ប៊ុនតិញ មានថេរដីកាថា ការរក្សាព្រៃ គឺជាការកសាងសន្តិភាព ហើយព្រះសង្ឃមានតួនាទីសំខាន់ក្នុងការចូលរួមក្នុងកិច្ចការនេះ៖ «»។
យុទ្ធនាការចុះល្បាតព្រៃដែលដឹកនាំដោយក្រុមបណ្ដាញព្រះសង្ឃ បានចាប់ផ្ដើមកាលពីថ្ងៃទី២៩ ដល់ថ្ងៃទី៣១ ខែតុលា។ ក្នុងនោះ មន្ត្រីបរិស្ថានបានចាប់ខ្លួនជនល្មើសកាប់បំផ្លាញព្រៃឈើចំនួន ៥នាក់បញ្ជូនទៅតុលាការ ៣នាក់ទៀតឋិតក្នុងការត្រួតពិនិត្យ និងស្ត្រីម្នាក់បានរត់រួចខ្លួន។
«សំឡេងព្រះសង្ឃប្រឹងលើកគោយន្ត»
ក្រុមព្រះសង្ឃលើកឡើងថា មូលហេតុចម្បងមួយក្នុងការចុះល្បាតព្រៃព្រះរកា ដោយសារបទល្មើសកាប់បំផ្លាញឈើមិនបានថយចុះទេនៅក្នុងតំបន់អភិរក្សព្រៃព្រះរកា នៅក្រោយពេលដែលព្រៃនេះត្រូវដាក់ជាព្រៃអភិរក្ស។
ស្ថាបនិកបណ្ដាញព្រះសង្ឃឯករាជ្យដើម្បីសន្តិភាព ព្រះតេជព្រះគុណ ប៊ុត ប៊ុនតិញ មានថេរដីកាថា ការចុះល្បាតចូលទៅដល់ក្នុងព្រៃបង្ហាញថា បទល្មើសនៅតែកើតមាន ហើយចាំបាច់ត្រូវមានសកម្មភាពបែបនេះបន្តទៀត ទើបអាចទប់ស្កាត់បទល្មើសបាន៖ «»។
ព្រៃព្រះរកាដែលឋិតនៅចន្លោះស្រុកចំនួន៤ ក្នុងខេត្តព្រះវិហារ រួមមានស្រុកឆែប ស្រុកត្បែងមានជ័យ ស្រុកជាំក្សាន្ត និងស្រុកជ័យសែន ត្រូវរដ្ឋាភិបាលប្រកាសបង្កើតជាដែនជម្រកសត្វព្រៃកាលពីថ្ងៃទី៩ ខែឧសភា ឆ្នាំ២០១៦។ អនុក្រឹត្យរបស់រដ្ឋាភិបាលបញ្ជាក់ថា ព្រៃនេះមានទំហំជាង ៩ម៉ឺនហិកតារ (៩០.៣៦១ហិកតារ)។
ផ្ទុយពីការអះអាងរបស់បណ្ដាញព្រះសង្ឃឯករាជ្យដើម្បីសន្តិភាព ប្រធានមន្ទីរបរិស្ថានខេត្តព្រះវិហារ លោក អ៊ា សុខា មានប្រសាសន៍ថា បទល្មើសព្រៃឈើក្នុងតំបន់អភិរក្សព្រៃព្រះរកាបានថយចុះ។ លោកបន្តថា ក្នុងនោះមន្ត្រីបរិស្ថានចាប់បានបទល្មើសមួយចំនួនដែរចាប់តាំងពីទទួលបានភារកិច្ចការពារព្រៃនេះ៖ «»។
លោក អ៊ា សុខា ទទួលស្គាល់ថា ការចូលរួមពីសហគមន៍ និងបណ្ដាញព្រះសង្ឃមានសារសំខាន់ក្នុងការអភិរក្សព្រៃ៖ «»។
មិនខុសពីក្រុមព្រះសង្ឃទេ ក្រុមសហគមន៍ដែលចូលរួមល្បាតព្រៃលើកឡើងដែរថា អាជ្ញាធរជាភាគីគន្លឹះនៅក្នុងកិច្ចការពារព្រៃ។
ប្រធានសហគមន៍ជនជាតិដើមភាគតិចកួយ នៅភូមិប្រមេរុ លោក រិត សាវ៉ន មានប្រសាសន៍ថា បច្ចុប្បន្នលោកត្រូវស៊ីឈ្នួលដងជ័រឲ្យអ្នកភូមិផ្សេងទៀតដែលមានដើមច្បោះនៅសេសសល់ នៅក្រោយពេលដែលដើមជ័រច្បោះរបស់ក្រុមគ្រួសាររបស់លោក ត្រូវគេលួចកាប់អស់គ្មានសល់។ លោកថា សហគមន៍ប្រឹងប្រែងការពារព្រៃនេះ ដោយសង្ឃឹមថាអាចរក្សាព្រៃគង់វង្សសម្រាប់ក្មេងៗជំនាន់ក្រោយ៖ «»។
ភាគច្រើននៃដើមឈើទាល និងច្បោះជ័ររបស់ពលរដ្ឋក្នុងសហគមន៍ដែលក្រុមល្បាតពិបាកទៅដល់ តែងត្រូវគេលួចកាប់បំផ្លាញ។
ប្រធានមន្ទីរបរិស្ថានខេត្តព្រះវិហារ ឲ្យដឹងថា ដោយសារការដាក់តំបន់ព្រៃព្រះរកាជាតំបន់ធម្មជាតិអភិរក្សនេះទើបចាប់ផ្ដើមថ្មីៗ ទើបរចនាសម្ព័ន្ធក្នុងការងារអភិរក្សព្រៃនេះនៅមិនទាន់ដំណើរការបានល្អនៅឡើយ។ លោករំពឹងថា ការងារនេះនឹងដំណើរការល្អនៅក្នុងពេលឆាប់ៗដ៏ខ្លីខាងមុខ៖ «»។
បើទោះជាយ៉ាងណា ចំពោះស្ថាបនិកបណ្ដាញព្រះសង្ឃឯករាជ្យដើម្បីសន្តិភាព ព្រះតេជព្រះគុណ ប៊ុត ប៊ុនតិញ មានថេរដីកាថា បញ្ហាចម្បងនៅក្នុងការបំផ្លាញព្រៃឈើនៅតំបន់ព្រៃព្រះរកា គឺមានមន្ត្រីកងកម្លាំងប្រដាប់អាវុធនៅពីក្រោយ និងជាឈ្មួញទិញយកឈើ ដែលជនខិលខូចលួចកាប់លក់ឲ្យ៖ «»។
ឆ្លើយតបនឹងការបារម្ភរបស់ព្រះតេជព្រះគុណ ប៊ុត ប៊ុនតិញ នេះ ប្រធានមន្ទីរបរិស្ថានខេត្តព្រះវិហារ លោក អ៊ា សុខា ថ្លែងថា ក្នុងគោលដៅរបស់លោក ក៏នឹងតាមដានរកឲ្យឃើញមេខ្លោងនៅពីក្រោយបទល្មើសព្រៃឈើទាំងនេះ៖ «»។
ក្រុមព្រះសង្ឃ និងសហគមន៍អះអាងថា ពួកគាត់នៅតែបន្តសកម្មភាពល្បាតព្រៃនេះតទៅទៀត នៅពេលដែលរដ្ឋាភិបាលប្រកាសថាគេត្រូវការឲ្យមានការចូលរួមពីគ្រប់ភាគីនៅក្នុងមូលដ្ឋាន ដោយរួមទាំងសហគមន៍ផង។ ពួកគេនៅតែអះអាងថា នេះជាមធ្យោបាយតែមួយគត់ដែលអាចឆ្មក់ចូលទៅចាប់បទល្មើស និងរាប់ ឬចំណាំដើមឈើធំៗដែលមានក្នុងព្រៃនេះបាន។
«សំឡេងបំបួសព្រៃ»
សហគមន៍ឲ្យដឹងថា ក្នុងតំបន់ព្រៃព្រះរកានេះសម្បូរឈើប្រភេទបេង និងធ្នង់ ប៉ុន្តែមកដល់ពេលនេះ ក្នុងព្រៃនៅសល់តែឈើដែលច្រើនតែជាឈើទាល និងច្បោះជ័ររបស់សហគមន៍៕
