កុមារីដែលគ្រាន់ជាងមេដឹកនាំសង្គមខ្មែរនៅកម្ពុជា

កុមារីដែលគ្រាន់ជាងមេដឹកនាំសង្គមខ្មែរនៅកម្ពុជា

A Girl Who Uses Google Translate To Reach Out To A New Kid At School

ខ្មែររាល់គ្នាចងចាំហើយ កាលពីពេលថ្មីៗនេះ ខ្ញុំបានផ្ញើមកអ្នករាល់គ្នា រឿងឆ្កែចិត្តជាមនុស្សចិត្តព្រះដែលចេះឈឺឆ្អាល
ចំពោះទុក្ខធុរៈសត្វផងគ្នា។ ពេលនេះ ខ្ញុំរកឃើញករណីថ្មីមួយទៀត ស្រដៀងរឿងឆ្កែនោះដែរ។ ជារឿងកុមារីក្មេងខ្ចីម្នាក់
មានអាយុទើបបាន១០ឆ្នាំ តែមានព្រលឹងចិត្តចេះយល់ដឹងចិត្តមនុស្សដូចគ្នា ដែលវាខុសស្រឡះពីចិត្តខ្មែរ មនុស្សចាស់
ជាមេកើយ ដឹកនាំសង្គមខ្មែរសព្វថ្ងៃ ដែលល្ងង់ខ្លៅ កំសាក មិនព្រមយល់កំហុសនិងកំសោយក្នុងខួរក្បាលរបស់ខ្លួន។

ប៉ុន្តែសុទ្ធតែជាមនុស្សកាចសាហាវ ហ៊ានធ្វើអំពើអាក្រក់ភ្លាមៗ កាលបើខ្លួនមានកាលៈទេសៈនិងលទ្ធភាពអាចធ្វើបាន
ចំពោះអ្នកណាដែលខ្លួនមិនសប្បាយចិត្តជាមួយ។ មានរឿងលោកកែមឡីជាអាទិ៍។ ហេតុអ្វីបានជាខ្មែរទាំងនោះកាច
អាក្រក់ មិនយល់ទុក្ខសោកគ្នាសោះអ៊ីចឹង? គឺមកពីពួកគេ មានដួងវិញ្ញាណអារក្សរស់ក្នុងសព៌ាង្គកាយ។ បើគេជាមនុស្ស
ចេះខ្លាចបាប ខ្លាចកម្មពៀរវេរា គេនឹងមិនប្រព្រឹត្តិបាបកម្មសោះឡើយ។ តែវិញ្ញាណអារក្សគឺនៅតែអាក្រក់មិនកែប្រែ។

មួយរយឆ្នាំទៅមុខទៀត ក៏ប្រហែលជាខ្មែរទាំងហ្នឹងមិនកែចិត្តកែគំនិតខ្លួនសោះដែរ។ ព្រោះធម្មជាតិជាអារក្ស គឺវានៅតែ
ជាអារក្ស មិនអាចផ្លាស់ប្តូរបាន។ ដូច្នេះ, ជាយថាកម្មរាស្ត្រខ្មែរ នឹងនៅតែទទួលការរងទុក្ខសោកជាបន្ត រហូតដល់ថ្ងៃនៃ
កាលកំណត់ ដែលព្រះអាទិទេព ជាព្រះនៃឋានសួគ៌និងផែនដី និងផ្លាស់ប្តូរទាំងអស់។ គ្មានអារក្សឯណានឹងនៅសល់
ក្នុងផែនដីថ្មីរបស់ទ្រង់ទៀតឡើយ។ ខ្មែរដែលមិនជឿនឹងជួបតែអារក្សជានិច្ចជាដរាប។ មើលឃើញហើយគួរជឿទៅ។
ព្រះទ្រង់បង្កើតឋាននរក គឺសម្រាប់ពួកអារក្សនេះឯង។ រឿងនេះមានចែងក្នុងព្រះគម្ពីរ ហាមប្រាមមនុស្សរួចហើយ។

ព្រឹត្តិការណ៍ពិភពលោក កាន់តែរសៀលជ្រាលជ្រេរ។ រីឯកំណត់កាលនៃដំណើរហេតុការណ៍ដែលធំហើយអាក្រក់ខ្លាំង
ក៏កាន់តែខិតចូលកៀកណាស់ហើយដែរ។ សុំរត់រកព្រះឱ្យទាន់ពេល ដើម្បីបានចៀសឆ្ងាយពីពួកមនុសុ្សអាក្រក់ មាន
ដួងវិញ្ញាណអារក្ស ដែលរស់នៅក្នុងសង្គមមនុស្សជាទូទៅទាំងផែនដី។ ស្រុកខ្មែរជាស្រុកគ្មានច្បាប់ក្រឹត្យក្រមល្អ តាម
សិលធម៌សោះទេ តែមានច្បាប់នៃទំនើងចិត្តមនុស្ស ដែលជាអារក្សរស់ក្នុងសព៌ាង្គកាយសាច់ឈាម។ ជាពួកមនុស្ស
អាក្រក់ ដែលមិនស្គាល់ មិនយល់ពីសុខទុក្ខមនុស្សផងគ្នា ដូចកុមារីក្នុងរឿងនេះឡើយ។ ជារឿងគួរខ្មាស់អៀន។ សូមរត់
រកព្រះឱ្យទាន់ពេល, មុនទ្វារនៃសេចក្តីស្រោចស្រង់ត្រូវបិទ, ដើម្បីបានទទួលសេចក្តីសង្គ្រោះ ចាកទុក្ខភ័យ៕៚