Tebthida: 01/16/17

Monday, January 16, 2017

ពលរដ្ឋសង្កាត់អូរចារក្រុងបាត់ដំបងតវ៉ាប្រឆាំងនឹងការកាត់ដីសាលាឲ្យឯកជន

ពលរដ្ឋសង្កាត់អូរចារ ក្រុងបាត់ដំបងតវ៉ាប្រឆាំងនឹងការចាក់រំលោភយកដីក្នុងបរិវេណអតីតសាលាមត្តេយ្យ មុខសាលាសង្កាត់អូរចារ នៃខេត្តបាត់ដំបង នៅថ្ងៃទី១៦ ខែមករា ឆ្នាំ២០១៧។ RFA/Hum Chamroeun

ពលរដ្ឋសង្កាត់អូរចារ ក្រុងបាត់ដំបងប្រមាណ៥០នាក់ នៅព្រឹកថ្ងៃទី១៦ មករា តវ៉ាប្រឆាំងនឹងការចាក់រំលោភយកដីក្នុងបរិវេណអតីតសាលាមត្តេយ្យក្នុងមូលដ្ឋានរបស់ពួកគេ។ ការតវ៉ានេះ ធ្វើឡើងភ្លាមៗក្រោយពីការចាក់ដីដោយម្ចាស់កម្មសិទ្ធិឯកជន ដែលមានការអនុញ្ញាតពីតុលាការ។

ពលរដ្ឋតវ៉ាបញ្ជាក់ថា ខ្លួនមិនចង់ឲ្យអាជ្ញាធរប្រគល់ដីសាធារណៈនេះ ទៅឯកជនទេ ទោះបីជាម្ចាស់កម្មសិទ្ធិដីនេះ មានដីកាអនុញ្ញាតកម្មសិទ្ធិពីតុលាការក្ដី។ ពួកគេនៅទាមទារឲ្យរក្សាដីនេះ ទុកជាសម្បត្តិសាធារណៈ ដូចជាសាលារៀន ឬមន្ទីរពេទ្យជាដើម។

យ៉ាងណាក៏ដោយ ចៅសង្កាត់អូរចារ លោក ហោ ឃឿន ដែលចុះសម្របសម្រួលនៅពេលតវ៉ានោះ បញ្ជាក់ថា លោកពុំបានដឹងពីសាច់រឿង ដែលដីក្នុងបរិវេណអតីតសាលាមត្តេយ្យអូរចារ ទំហំ៤០ម៉ែត្រ គុណ៤០ម៉ែត្រ ជាកម្មសិទ្ធិរបស់អតីតមន្ត្រីប៉ូលិសក្នុងសង្កាត់នេះពីមុខទេ។ តែលោកថា នឹងហៅភាគីពាក់ព័ន្ធមកជួបដោះស្រាយជាមួយពលរដ្ឋ។

ពលរដ្ឋខេត្តបាត់ដំបងចោទសមត្ថកិច្ចថាមិនទប់ស្កាត់បទល្មើសនេសាទ

ប្រជានេសាទនៅខេត្តបាត់ដំបង អះអាងថា បទល្មើសនេសាទដោយប្រើឧបករណ៍ឆក់ និងកាប់ព្រៃឈើលិចទឹកដាក់សម្រាស់ទ្រង់ទ្រាយធំ ដើម្បីចាប់យកត្រីនៅតំបន់ឡូនេសាទស្រុកឯកភ្នំ កំពុងកើតមានពេញបន្ទុក ដោយពុំមានសមត្ថកិច្ចណាទប់ស្កាត់នៅឡើយ។ អ្នកភូមិមានការព្រួយបារម្ភយ៉ាងខ្លាំង ខ្លាចក្រែងហិនហោចមច្ឆជាតិនៅពេលខាងមុខ ហើយប៉ះពាល់ដល់របរធ្វើនេសាទជាលក្ខណៈគ្រួសារដោះស្រាយជីវភាពប្រចាំថ្ងៃរបស់ពលរដ្ឋ។

ប្រជានេសាទនៅខេត្តបាត់ដំបង លើកឡើងថា បញ្ហាការធ្វើនេសាទខុសច្បាប់ទាំងអស់នេះ នឹងមិនកើតមានដោយងាយស្រួលឡើយ ប្រសិនបើអាជ្ញាធរពាក់ព័ន្ធចាត់វិធានការតឹងរ៉ឹងទៅលើអ្នកដែលប្រព្រឹត្តខុសនោះ។

ប្រជានេសាទនៅភូមិអណ្ដូងចេញ សង្កាត់អូរចារ ក្រុងបាត់ដំបង លោក ឈុន សារ៉ន អះអាងថា ក្រុមអ្នកមានលុយជាច្រើននាក់បានឃុបឃិតគ្នាជាមួយសមត្ថកិច្ចជំនាញពាក់ព័ន្ធក្នុងមូលដ្ឋាន កាប់ដើមឈើព្រៃលិចទឹកនៅតំបន់ឃុំព្រៃចាស់ ស្រុកឯកភ្នំ ខេត្តបាត់ដំបង យកទៅដាក់សម្រាស់ក្នុងព្រែកនន់ និងបឹងអាប្រាតូច អាប្រាធំ និងបឹងក្បាលដំរី ជាដើម ដើម្បីឲ្យត្រីចូលទៅនៅច្រើន រួចយកអួនទៅហ៊ុមចាប់យកត្រីទាំងតូចធំគ្មានសល់។ លោកបន្ថែមថា ក្រៅអំពីនេះ ពួកគេក៏បានយកឧបករណ៍ឆក់ត្រីនៅតំបន់នោះយ៉ាងគគ្រឹកគគ្រេងរៀងរាល់ថ្ងៃ គ្មានអាជ្ញាធរទប់ស្កាត់នោះទេ៖ «ក្នុងមួយបឹងយ៉ាងតិចគេដាក់សម្រាស់ពី ៥ ទៅ ៦កន្លែង ហើយមិនអាចធ្វើនេសាទបានទេ ហើយពេលយើងយកសំណាញ់បង់ត្រីគ្នាកាន់តែច្រើន ត្រីរត់ចូលសម្រាស់គេអស់ ហើយម្ចាស់គេមកហ៊ុមចាប់ត្រីភ្លាមមួយរំពេច»។

លោក ឈុន សារ៉ន បន្តថា សមត្ថកិច្ចជំនាញពាក់ព័ន្ធនៅក្នុងមូលដ្ឋានស្រុកនេះ គិតតែពីប្រយោជន៍ផ្ទាល់ខ្លួន ហើយមិនអើពើទប់ស្កាត់ការធ្វើនេសាទនេះ ដែលធ្វើឲ្យពួកគាត់ជាប្រជាពលរដ្ឋក្រីក្រគ្មានដីធ្វើស្រែ ហើយពឹងផ្អែកទៅលើរបរធ្វើនេសាទ មិនអាចទៅធ្វើនេសាទរកប្រាក់ចំណូលដោះស្រាយជីវភាពគ្រួសារបាន៖ «ខ្ញុំអំពាវនាវសុំឲ្យថ្នាក់លើចាត់វិធានការផង ព្រោះយើងខ្លាចបាត់បង់ពូជត្រី ព្រោះគេឆក់ផង ដាក់ថ្នាំដេញត្រីឲ្យចូលសម្រាស់គេផង ព្រោះត្រីមួយចំនួនជិតផុតពូជអស់ហើយ»។

ឆ្លើយតបនឹងបញ្ហានេះ នាយខណ្ឌរដ្ឋបាលជលផលខេត្តបាត់ដំបង លោក ជួង សុភា មានប្រសាសន៍ថា លោកមិនទាន់ទទួលព័ត៌មានពីការកាប់ព្រៃដាក់សម្រាស់យកត្រី និងការធ្វើនេសាទខុសច្បាប់នៅឃុំព្រៃចាស់ នោះនៅឡើយទេ។ ទោះជាយ៉ាងនេះក្ដី លោកទទួលស្គាល់ថា នៅតំបន់ព្រៃលិចទឹកស្រុកឯកភ្នំ ពិតជាមានប្រជាពលរដ្ឋប្រើឧបករណ៍ឆក់ត្រី និងការធ្វើនេសាទខុសច្បាប់ផ្សេងៗមែន ប៉ុន្តែលោកអះអាងថា សមត្ថកិច្ចពាក់ព័ន្ធមិនបានឃុបឃិតជាមួយពលរដ្ឋ ដើម្បីទាញយកប្រយោជន៍ពីការធ្វើនេសាទនេះដូចការចោទប្រកាន់នោះឡើយ៖ «ជាពិសេសនៅខែប្រាំងនេះ វាមានតែបូម និងបាច ហើយនិងឆក់ទេ ចំពោះការបរណររ៉ាវ វាសឹងមិនមានទេ ព្រោះវាគោកទឹកអស់ហើយ។ ហើយកាលពីថ្ងៃមុន ខ្ញុំក៏បានប្រជុំរួចមកហើយដែរ។ ទីមួយការឆក់បូម និងកាប់រានព្រៃលិចទឹក គឺបើពួកគាត់ធ្វើជាលក្ខណៈជាអាជីវកម្ម យើងត្រូវហាមឃាត់ហើយ»។
លោក ជួង សុភា ស្នើឲ្យប្រជានេសាទ ប្រសិនបើឃើញការធ្វើនេសាទខុសច្បាប់នៅតំបន់ណាមួយក្នុងស្រុកឯកភ្នំ នេះ ត្រូវប្រញាប់រាយការណ៍ទៅសមត្ថកិច្ចក្នុងមូលដ្ឋាន ឬទាក់ទងលោកផ្ទាល់តាមលេខទូរស័ព្ទ ០៩៧ ៧៦ ៦០៣ ១៦០ ដើម្បីទប់ស្កាត់បានទាន់ពេលវេលា។

ទោះជាយ៉ាងនេះក្ដី ពលរដ្ឋហាក់គ្មានជំនឿចំពោះវិធានការរបស់សមត្ថកិច្ចឡើយ ពីព្រោះកន្លងមក បទល្មើសនេសាទកើតមានច្រើន ហើយពួកគាត់ក៏ធ្លាប់ប្ដឹងទៅសមត្ថកិច្ចឲ្យទប់ស្កាត់ដែរ ក៏ប៉ុន្តែភាគច្រើនធ្វើឡើងបែបគោះទឹកបង្អើលត្រី ហើយគ្មានប្រសិទ្ធភាពឡើយ។

មន្ត្រីសម្របសម្រួលអង្គការសម្ព័ន្ធភាពដើម្បីអភិរក្សធនធានជលផលជុំវិញបឹងទន្លេសាប អ្នកស្រី នូ សារឹម មានប្រសាសន៍ថា ការកាប់ព្រៃរនាមដាក់សម្រាស់ឲ្យត្រីចូល គឺជាការធ្វើនេសាទខុសច្បាប់ធ្ងន់ធ្ងរ ព្រោះធ្វើឲ្យបាត់បង់ព្រៃលិចទឹកដែលជាជម្រកត្រីពង ហើយធ្វើឲ្យទឹកបឹងដងអូរតំបន់នេសាទនោះកាន់តែរាក់ ដោយសារកាកសំណល់ពីមែកសម្រាស់ជាដើម។ អ្នកស្រីសង្កត់ធ្ងន់ថា អាជ្ញាធរត្រូវចាត់វិធានការបញ្ហានេះជាបន្ទាន់ និងឲ្យមានប្រសិទ្ធភាព ដើម្បីថែរក្សាសម្បត្តិធនធានមច្ឆជាតិ និងព្រៃឈើនៅតំបន់នោះ ទុកឲ្យកូនចៅជំនាន់ក្រោយបានឃើញ និងប្រើប្រាស់ជាសម្បត្តិរួមនៅថ្ងៃខាងមុខ៖ «ខ្ញុំសំណូមពរឲ្យអាជ្ញាធរដែលរដ្ឋាភិបាលបានប្រគល់តួនាទីមកឲ្យអាជ្ញាធរថ្នាក់ក្រោមជាតិជាអ្នកគ្រប់គ្រងការពារអភិរក្សធនធានជលផល ក៏ដូចជាមន្ទីរពាក់ព័ន្ធមួយចំនួន ជាពិសេសមន្ទីរកសិកម្មតែម្ដង ដូចជលផលយើងអាចអនុវត្តទាំងអស់គ្នា។ ម្យ៉ាងទៀត ប្រជាពលរដ្ឋខ្លួនឯងសូមកុំបំផ្លាញធនធានជលផលដោយខ្លួនឯងទៀត»។

កន្លងមក លោកឧបនាយករដ្ឋមន្ត្រី ស ខេង ធ្លាប់មានប្រសាសន៍ថា បញ្ហាត្រីនៅបឹងទន្លេសាប ប្រឈមនឹងការបាត់បង់ធ្ងន់ធ្ងរនៅថ្ងៃខាងមុខ ដែលបញ្ហានេះផ្ដើមចេញពីការធ្វើនេសាទខុសច្បាប់។ លោក ស ខេង ក៏បានព្រមានដកអភិបាលខេត្តនៅតំបន់ជុំវិញបឹងទន្លេសាបចេញពីតំណែង ប្រសិនបទល្មើសនេសាទនៅតែបន្តកើតមានធ្ងន់ធ្ងរទៅមុខទៀត។

ច្បាប់ជលផលឆ្នាំ២០០៦ មាត្រា៩៨ ចែងថា ត្រូវផ្ដន្ទាទោសបទល្មើសជលផលថ្នាក់ទី១ ដាក់ពន្ធនាគារពី ៣ឆ្នាំទៅ ៥ឆ្នាំ និងរឹបអូសយកវត្ថុតាងទាំងអស់ដាក់ជាសម្បត្តិរដ្ឋ ឬបំផ្លាញចោល។ បទល្មើសទាំងនោះរួមមាន នេសាទដោយឧបករណ៍ឆក់ គ្រឿងផ្ទុះ និងសារធាតុពុលគ្រប់ប្រភេទក្នុងដែននេសាទ។ នេសាទដោយឧបករណ៍ទំនើប ឬឧបករណ៍ដែលបង្កើតឡើងថ្មី ឬរបៀបនេសាទបែបថ្មី ដែលនាំមកនូវការបំផ្លាញមច្ឆជាតិ ឬធនធានជលផល និងប្រព័ន្ធអេកូឡូស៊ីជីវចម្រុះ ជាដើម៕

ពលរដ្ឋរស់នៅតំបន់ក្បាលឆាយខេត្តព្រះសីហនុស្នើលោក ហ៊ុន សែន ជួយអន្តរាគមន៍

ប្រជាពលរដ្ឋមួយចំនួនរស់នៅតំបន់ក្បាលឆាយក្នុងបរិវេណដី ៥៥ហិកតារដែលត្រូវអាជ្ញាធររដ្ឋបាលខេត្តព្រះសីហនុ រុះរើផ្ទះចេញពីទីតាំងចាស់ បង្ខំឲ្យផ្លាស់ទៅរស់នៅទីតាំងថ្មី បន្តស្នើសុំកិច្ចអន្តរាគមន៍ពីលោកនាយករដ្ឋមន្ត្រី ហ៊ុន សែន និងភរិយា ឲ្យជួយអន្តរាគមន៍ឲ្យពួកគេបានរស់នៅលើទីតាំងដើមវិញ។

អ្នកឃ្លាំមើលការរំលោភសិទ្ធិមនុស្សប្រចាំខេត្តនេះ ក៏ស្នើដល់រដ្ឋបាលខេត្តព្រះសីហនុ ជួយពិចារណាទៅលើសំណូមពររបស់ប្រជាពលរដ្ឋដែលនៅសេសសល់ ដើម្បីឈានដល់ដោះស្រាយទំនាស់ដីធ្លីនៅតំបន់នេះដោយសន្តិវិធី ស្របតាមគោលនយោបាយរបស់ប្រមុខដឹកនាំរដ្ឋាភិបាលបានដាក់ឲ្យមន្ត្រីក្រោមឱវាទអនុវត្ត។

ពលរដ្ឋខេត្តកណ្ដាលនិងខេត្តកំពង់ស្ពឺស្នើរដ្ឋាភិបាលពន្លឿនធ្វើផ្លូវលេខ៥១

ពលរដ្ឋខេត្តកណ្ដាល និងខេត្តកំពង់ស្ពឺ រស់នៅតាមបណ្ដោយផ្លូវជាតិលេខ៥១ ស្នើឲ្យរដ្ឋាភិបាល ឬក្រុមហ៊ុនចិន ដែលទទួលបានសិទ្ធិស្ដារឡើងវិញលើកំណាត់ផ្លូវជាតិមួយខ្សែនេះ ពន្លឿនការស្ថាបនាផ្លូវ និងធានាគុណភាពផ្លូវជាប់ប្រើបានយូរ។

ពលរដ្ឋ និងអ្នកដំណើរត្អូញត្អែរថា ស្ថានភាពផ្លូវកាន់តែយ៉ាប់ខ្លាំង ដោយមានជង្ហុកជ្រៅៗ និងធូលីដីហុយខ្លាំងនៅរដូវប្រាំង ធ្វើឲ្យប៉ះពាល់ដល់ការរស់នៅ។

កម្ពុជា-ថៃកំពុងពិភាក្សាលើការបញ្ឈប់លក់សំបុត្រចូលផ្សាររ៉ុងក្លឿប្រទេសថៃ

អាជ្ញាធរកម្ពុជា និងថៃ មិនទាន់សម្រេចជាផ្លូវការលើការបញ្ឈប់លក់លិខិតអនុញ្ញាតបណ្ដោះអាសន្នតម្លៃ ១ពាន់រៀល ឬស្មើប្រហែល ១០បាតលុយថៃ ដើម្បីឲ្យពលរដ្ឋខ្មែរទូទៅអាចចេញចូលផ្សាររ៉ុងក្លឿ ប្រទេសថៃ ដោយមិនបាច់ចំណាយលុយនៅឡើយទេ។

កម្ពុជា បានសម្រេចឯកតោភាគីជាមុនថា ពលរដ្ឋខ្មែរទូទៅដែលចូលផ្សាររ៉ុងក្លឿ ប្រទេសថៃ មិនបាច់ចំណាយលុយទិញសំបុត្រទៀតទេ។

មានការរាយការណ៍ថា មន្ត្រីជួបឃាតករ មុនពេលសម្លាប់ កែម ឡី

ភ្នំពេញៈ អឿត អាង អតីតទាហាន និងធ្លាប់បួសជាសង្ឃដែលត្រូវបានចោទប្រកាន់ពីបទធ្វើឃាតអ្នកវិភាគនយោបាយ លោក កែម ឡី បានជួបជាមួយមន្រ្តីខណ្ឌ និងមន្រ្តីយោធាប្រហែលមួយសប្តាហ៍ពីមុនពេលឃាតកម្ម។ នេះបើតាមការរាយការណ៍របស់សារព័ត៌មាន Al Jazeera។

នៅក្នុងរបាយការណ៍វីដេអូមួយចេញផ្សាយកាលពីថ្ងៃសុក្រសារព័ត៌មាន Al Jazeera បាននិយាយថាខ្លួនបាននិយាយទៅកាន់ប្រភពជាច្រើននៅក្នុងខេត្តសៀមរាបដែលជាទីកន្លែងកំណើតរបស់ អឿត អាង ដែលបាននិយាយថាជនសង្ស័យត្រូវបានហៅឲ្យទៅជួបជាមួយមន្រ្តី «ស្រុក និងមន្រ្តីយោធាជាន់ខ្ពស់» ប្រហែលមួយសប្តាហ៍ពីមុនពេលលោក កែម ឡី ត្រូវបានបាញ់សម្លាប់នៅក្នុងការ៉ាស់សំាងកាល់តិចបូកគោក្នុងរាជធានីភ្នំពេញកាលពីថ្ងៃទី ១០ ខែកក្កដា។

របាយការណ៍នេះដែលនិយាយថា ប្រភពនានាបានបដិសេធមិនបង្ហាញខ្លួននៅក្នុងកាមេរ៉ាបានរាយការណ៍ថា៖ «បន្ទាប់ពីការជួបនោះ [អឿត អាង] ត្រូវបានដាក់ចូលក្នុងឡាន និងដឹកចេញពីតំបន់នោះ»។

បើទោះបីជាមានការស៊ើបអង្កេតអស់រយៈពេល ៦ ខែដែលបានបិទការស៊ើបអង្កេតកាលពីខែធ្នូមកនោះក្តីនគរបាលបរាជ័យមិនអាចផ្តល់នូវការបំភ្លឺណាមួយអំពីស្ថានភាពជុំវិញករណីឃាតកម្មនេះរួមទាំងរបៀបដែល អឿត អាង បានធ្វើដំណើរចេញពីផ្ទះនៅក្នុងឃុំនគរភៀស ស្រុកអង្គរជុំ ខេត្តសៀមរាបមករាជធានីភ្នំពេញ។

សារព័ត៌មាន Al Jazeera បាននិយាយជាមួយអ្នកបើកតាក់ស៊ីដែលស្ថិតនៅក្នុងចំណោមមនុស្សចុងក្រោយដែលបានឃើញ អឿត អាង នៅក្នុងខេត្តសៀមរាប។ បុរសម្នាក់នេះដែលត្រូវបានកំណត់អត្តសញ្ញាណថាឈ្មោះ ឌឹក ឌៀន បានថ្លែងថាគាត់បានដឹកជនសង្ស័យទៅបេនឡាននៅជាយក្រុងសៀមរាបពីកន្លែងដែលគាត់បានចុះពីឡានឡិចស៊ីស។ អ្នកបើកតាក់ស៊ីម្នាក់នេះថ្លែងថា៖ «គាត់ស្ថិតក្នុងស្ថានភាពប្រញាប់ប្រញាល់គាត់ថែមទាំងមិនបានឲ្យថ្លៃតាក់ស៊ីរបស់ខ្ញុំផង»។
អឿត អាង ត្រូវបានចាប់ខ្លួនប្រហែល ១,៥ គីឡូម៉ែត្រពីកន្លែងឃាតកម្ម។ នគរបាលភ្លាមៗនោះបានបញ្ចេញនូវវីដេអូសារភាពរបស់ឃាតករដែលក្នុងនោះឃាតករបានអះអាងថាខ្លួនបានសម្លាប់លោក កែម ឡី ដោយសារតែជំពាក់ប្រាក់ ៣០០០ ដុល្លារ។

ការសារភាពបែបនេះបានធ្វើឲ្យមានការសង្ស័យពីមជ្ឈដ្ឋានជាច្រើន។ អ្នកដែលនៅជិតស្និទ្ធនឹងលោក កែម ឡី និងឃាតករបាននិយាយថាពួកគេមិនដែលបានជួបគ្នាពីមុនមកទេហើយមជ្ឈដ្ឋានជាច្រើនបានអះអាងថា អឿត អាង ជាមនុស្សក្រីក្រមានលុយតិចតួចហើយមជ្ឈដ្ឋានជាច្រើនជឿថាករណីឃាតកម្មរបស់លោក កែម ឡី ជាករណីឃាតកម្មនយោបាយ។

នៅពេលទាក់ទងកាលពីម្សិលមិញអធិការនគរបាលស្រុកអង្គរជុំ លោក ម៉ាន់ សុខាត់ បានបដិសេធថាមិនមានការជួបណាមួយរវាង អឿត អាង និងមន្រ្តីយោធា ឬមន្រ្តីរដ្ឋាភិបាលនោះទេ។

លោក សុខាត់ បានថ្លែងថាក្នុងនាមជាលោក សង្ឃ អឿត អាង កាលពីមុនធ្លាប់ធ្វើដំណើរទៅរាជធានីភ្នំពេញដើម្បីយកបច្ច័យជួសជុលវត្ត ប៉ុន្តែលោកមិនបានដឹងថាតើនរណាជាអ្នកឧបត្ថម្ភបច័្ចយនោះទេ។

លោក សុខាត់ បានថ្លែងបន្តទៀតថា៖ «យើងគ្រាន់តែដឹងថាគាត់បានទៅរាជធានីភ្នំពេញហើយបានក្លាយជាឃាតករ»៕

គ.ជ.ប សម្រេចលុបឈ្មោះវៀតណាម២នាក់ក្នុងចំណោមបណ្ដឹងសុំលុបឈ្មោះ១៨១នាក់

ក្រុមប្រឹក្សាជំនុំជម្រះគណៈកម្មាធិការជាតិរៀបចំការបោះឆ្នោត (គ.ជ.ប) សម្រេចលុបឈ្មោះជនជាតិវៀតណាម ២នាក់ចេញពីបញ្ជីចុះឈ្មោះបោះឆ្នោតថ្មី ក្នុងចំណោមបណ្ដឹងតវ៉ាសុំលុបឈ្មោះ ១៨១នាក់។

ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) និងជាប្រធានក្រុមប្រឹក្សាជំនុំជម្រះ លោក ស៊ិក ប៊ុនហុក ថ្លែងក្នុងសន្និសីទកាសែតនៅយប់ថ្ងៃទី១៦ មករា ថា ក្នុងចំណោមបណ្ដឹងតវ៉ាសុំលុបឈ្មោះជនបរទេស ១៨១នាក់ ក្រុមប្រឹក្សាជំនុំជម្រះ គ.ជ.ប សម្រេចលុបឈ្មោះជនជាតិវៀតណាម ២នាក់ចេញពីបញ្ជីចុះឈ្មោះបោះឆ្នោតថ្មីឆ្នាំ២០១៦។

លោកថា ដោយឡែក គ.ជ.ប សម្រេចដកឈ្មោះ ១៤នាក់ផ្សេងទៀតដែលដើមបណ្ដឹងប្ដឹង ដោយសារ គ.ជ.ប រកឃើញនៅក្នុងបញ្ជីចុះឈ្មោះ។ លោក ស៊ិក ប៊ុនហុក បញ្ជាក់ទៀតថា គ.ជ.ប ទុកពេលវេលា ៥ថ្ងៃ ដើម្បីផ្ដល់សិទ្ធិឲ្យដើមបណ្ដឹងប្ដឹងទាស់ទៅក្រុមប្រឹក្សាធម្មនុញ្ញចំពោះសេចក្ដីសម្រេចនេះ។

បណ្ដឹងចំនួន៧ ទាក់ទងនឹងការសុំលុបឈ្មោះជនបរទេស ដែលគេសំដៅទៅជនជាតិវៀតណាម ចេញពីបញ្ជីចុះឈ្មោះបោះឆ្នោតថ្មីឆ្នាំ២០១៦ មាន ៦បណ្ដឹងពីភ្នាក់ងារគណបក្សសង្គ្រោះជាតិ និង ១បណ្ដឹងប្ដឹងដោយគណបក្សប្រជាជនកម្ពុជា។

ពីតំណាងគណបក្សសង្គ្រោះជាតិ ប្ដឹងសុំលុបឈ្មោះជនបរទេសចេញពីបញ្ជីចុះឈ្មោះថ្មី និងស្នើឲ្យក្រសួងមហាផ្ទៃ ធ្វើការស៊ើបអង្កេតលើការប្រើប្រាស់ឯកសារអត្តសញ្ញាណប័ណ្ណមិនត្រឹមត្រូវ។

ជុំវិញការប្រកាសលទ្ធផលនេះ នៅមិនទាន់ដឹងថា តំណាងគណបក្សសង្គ្រោះជាតិ នឹងប្ដឹងទាស់ ឬយ៉ាងណានៅឡើយ៕

គ្រូពេទ្យឯកទេសផ្តល់សេវាព្យាបាលជំងឺភ្នែកនៅស្រុកមេមត់ដោយឥតគិតថ្លៃ

កម្មវិធីជាតិសុខភាពភ្នែកនៃក្រសួងសុខាភិបាល សហការជាមួយមូលនិធិសេវា (SEVA Foundation) ផ្តល់ការព្យាបាល និងវះកាត់ជំងឺភ្នែកដោយឥតគិតថ្លៃនៅមន្ទីរពេទ្យបង្អែកស្រុកមេមត់ ខេត្តត្បូងឃ្មុំ ចាប់ពីថ្ងៃទី១៦ ដល់ទី២០ ខែមករា។

សមាជិកកម្មវិធីជាតិសុខភាពភ្នែក វេជ្ជបណ្ឌិត យូ ពិសិដ្ឋ បញ្ជាក់ប្រាប់អាស៊ីសេរីនៅថ្ងៃទី១៦ មករា ថា ថ្ងៃផ្តល់សេវាព្យាបាលដំបូងមានពលរដ្ឋប្រមាណ ៨០នាក់ បានទៅទទួលយកការពិនិត្យ និងព្យាបាល។ លោកលើកឡើងពីហានិភ័យនៃជំងឺភ្នែក និងជំរុញឲ្យពលរដ្ឋដែលមានជំងឺភ្នែក អញ្ជើញទៅទទួលសេវានេះដោយមិនចាំបាច់បង់ប្រាក់៖ «បើសិនជាគាត់ចាស់ជរា អាយុ ៦០ ដល់ ៨០ឆ្នាំ មានន័យថាភ្នែកឡើងបាយ។ បញ្ហាភ្នែកនោះ គឺស្រវាំង ហើយបើគាត់ទុកយូរអាចមានហានិភ័យជំងឺទឹកដក់ អាចលទ្ធផលការវះកាត់មិនសូវល្អ ពិបាកដែរក្នុងការវះកាត់បាយភ្នែកដែលវាទុំជ្រុល។ គាត់នឹងប្រឈមនឹងជំងឺផ្សេងទៀត ដូចជាជំងឺទឹកដក់ ឬជំងឺរលាកប្រស្រីភ្នែក។ អ៊ីចឹងគាត់មានបញ្ហាឈឺចាប់។ គាត់ព្យាបាលមិនទាន់ពេល អាចខូចភ្នែក»។

បន្ទាប់ពីពិនិត្យ និងព្យាបាលរួច ក្រុមគ្រូពេទ្យឯកទេសនឹងត្រឡប់មកតាមដានអាការៈជំងឺរបស់ពលរដ្ឋម្តងទៀតនៅថ្ងៃទី២ ខែកុម្ភៈ ខាងមុខ៕

Parasites common in kids: study

Students studying in a classroom of Dong Plet Primary School at Preah Vihear province. Hong Menea

Half of children in Battambang schools were found to have intestinal parasites that could impact their health, according to a recent study. Of 308 students tested, over 50 percent were found to have a parasite, with 58 having multiple parasitic infections.

“Schoolchildren are the most vulnerable population at greatest risk of intestinal parasitic infections-related morbidity, causing poor growth, vitamin deficiencies, iron-deficiency anemia, and poor educational performance,” report author Chia-Kwung Fan said yesterday.

Though such parasites are rarely fatal, he said, studies showed children with multiple parasites could be more susceptible to infections like tuberculosis, and they “may have worse cognitive outcomes than those infected by a single parasite alone”.

The report examined two primary schools in Mong Russey district, with results published in The American Journal of Tropical Medicine and Hygiene last week. A total of nine different parasites were detected, with the most common symptoms being headaches, recurrent coughing and abdominal pain.

Children who raised animals at home were almost four times more likely to have a parasitic infection than those who did not, while other key risk factors included eating raw or undercooked meat, eating raw vegetables, drinking untreated water and a lack of personal hygiene.

Huy Rekol, director of the National Centre for Parasitology Entomology and Malaria Control, said health centres routinely provided hygiene education but stressed it also came down to individual responsibility.

Though the report pointed out health centres “lacked diagnostic facilities”, Rekol said “the hospital has the capacity to detect intestinal infection and parasites”.

សាច់ញាតិជនរងគ្រោះការបាញ់សម្លាប់អំពាវនាវឲ្យមានការទាមទាររកយុត្តិធម៌រួមគ្នា

ការប្រកាសរបស់លោកជា មុន្នីបានធ្វើឡើងនៅមុនពេលខួបលើកទី១៣ឆ្នាំនៃការបាញ់សម្លាប់លោកជា វិជ្ជា ប្រធានសហជីពសេរីកម្មករដ៏ល្បីល្បាញដែលគ្រោងប្រារព្ធធ្វើឡើងនៅថ្ងៃទី២២ ខែមករាខាងមុខនេះ។

ភ្នំពេញ — ជាផ្នែកមួយនៃការរួមកម្លាំងដើម្បីទាមទាររកយុត្តិធម៌ជូនជនរងគ្រោះដែលត្រូវបានឃាដករបាញ់សម្លាប់កាលពីជាង១០ឆ្នាំមុននិងកាលពីពេលថ្មីៗនេះ លោកជា មុន្នី អតីតប្រធាន និងជាទីប្រឹក្សាសហជីពសេរីកម្មករនៃព្រះរាជាណាចក្រកម្ពុជា បានប្រកាសកៀងគក្រុមគ្រួសារជនរងគ្រោះទាំងអស់មកប្រមូលផ្តុំគ្នាដើម្បីស្វែងរកយុត្តិធម៌ប្រឆាំងអំពើឃាដកម្មទាំងនេះ។

ការប្រកាសរបស់លោកជា មុន្នីបានធ្វើឡើងនៅមុនពេលខួបលើកទី១៣ឆ្នាំនៃការបាញ់សម្លាប់លោកជា វិជ្ជា ប្រធានសហជីពសេរីកម្មករដ៏ល្បីល្បាញដែលគ្រោងប្រារព្ធធ្វើឡើងនៅថ្ងៃទី២២ ខែមករាខាងមុខនេះ។

លោកជា មុន្នីមានប្រសាសន៍ថា ក្រុមគ្រួសារជនរងគ្រោះទាំងអស់ដែលត្រូវបានឃាដករបាញ់សម្លាប់ ដែលរួមមានលោកបណ្ឌិត កែម ឡី លោកឈុត វទ្ធី លោករស់ សុវណ្ណារ៉េត លោកជា វិជ្ជា និងព្រះតេជព្រះគុណសំ ប៊ុនធឿនអាចមករួបរួមគ្នាជាកម្លាំងដើម្បីទាមទាររកយុត្តិធម៌ទាំងអស់គ្នានៅថ្ងៃខួប១៣ឆ្នាំនៃការបាញ់សម្លាប់លោកជា វិជ្ជា។

រូបឯកសារ៖ សមាជិកសហជីពមួយរូបយំនៅក្បែរកម្រងផ្កាដែលមានរូបថតលោក ជា វិជ្ជា ប្រធានសហជីពសេរីកម្មករ ក្នុងអំឡុងពេលពិធីបុណ្យសពរបស់លោកកាលពីថ្ងៃអាទិត្យទី២៥ ខែមករា ឆ្នាំ២០០៤ នៅរាជធានីភ្នំពេញ។ លោក ជា វិជ្ជា ត្រូវបានរូបឯកសារ៖ សម្លាប់កាលពីថ្ងៃព្រហស្បតិ៍ខណៈដែលលោកកំពុងអាននៅតូបកាសែតមួយនៅក្រុងភ្នំពេញ។ (AP Photo/Andy Eames)

រូបឯកសារ៖ សមាជិកសហជីពមួយរូបយំនៅក្បែរកម្រងផ្កាដែលមានរូបថតលោក ជា វិជ្ជា ប្រធានសហជីពសេរីកម្មករ ក្នុងអំឡុងពេលពិធីបុណ្យសពរបស់លោកកាលពីថ្ងៃអាទិត្យទី២៥ ខែមករា ឆ្នាំ២០០៤ នៅរាជធានីភ្នំពេញ។ លោក ជា វិជ្ជា ត្រូវបានរូបឯកសារ៖ សម្លាប់កាលពីថ្ងៃព្រហស្បតិ៍ខណៈដែលលោកកំពុងអាននៅតូបកាសែតមួយនៅក្រុងភ្នំពេញ។ (AP Photo/Andy Eames)

សហជីពសេរីកម្មករគ្រោងនឹងប្រារព្ធពិធីខួបលើកទី១៣ឆ្នាំនៃការបាញ់សម្លាប់លោកជា វិជ្ជានៅថ្ងៃទី២២ខែមករាខាងមុខនេះ ដោយមិនមានការហែក្បួនទេគឺអ្នកចូលរួមនិងជួបជុំគ្នានៅកន្លែងរូបសំណាកលោកជា វិជ្ជា ក្បែរគេហដ្ឋានរបស់លោកនាយករដ្ឋមន្ត្រីហ៊ុន សែនជិតវិមានឯករាជ្យ។

លោកជា មុន្នី អតីតប្រធាន និងជាទីប្រឹក្សាសហជីពសេរីកម្មករ មានប្រសាសន៍ថា កាលណាយើងធ្វើការរួមគ្នាជាកម្លាំង វាជាសម្ពាធមួយដល់រដ្ឋាភិបាលដើម្បីបន្តការខិតខំរបស់ខ្លួនក្នុងការស្វែងរកយុត្តិធម៌ជូនជនរងគ្រោះ។

លោកជា មុន្នីបញ្ជាក់ថា៖

«អំពាវនាវឲ្យមានការចូលរួមទាំងអស់គ្នាដើម្បីធ្វើចលនានេះឲ្យរដ្ឋាភិបាលស្វែងរកឃាដករ។ យើងដឹងថា អ្នកណាជាអ្នកនៅពីក្រោយខ្នងហើយ ប៉ុន្តែយើងចង់ដឹងថា រដ្ឋាភិបាលហ៊ានទទួលខុសត្រូវដែរ ឬទេ ក្នុងការចាប់ជនដៃដល់នោះ»។

មានសកម្មជនគណបក្សនយោបាយ សកម្មជនបរិស្ថាន អ្នកវិភាគនយោបាយ ព្រះសង្ឃ សហជីព និងអ្នកកាសែតជាច្រើនត្រូវបានឃាដករបាញ់សម្លាប់កាលពីជិត២០ឆ្នាំកន្លងមកនេះ។ ក៏ប៉ុន្តែក្រុមអ្នករិះគន់បាននិយាយថា មិនមានឃាដករពិតប្រាកដណាម្នាក់ត្រូវបានអាជ្ញាធរខ្មែរចាប់ខ្លួនយកមកកាត់ទោសតាមច្បាប់ទេ។

កាលពីថ្ងៃទី១០ ខែកក្កដាឆ្នាំ២០១៦ លោកបណ្ឌិតកែម ឡី អ្នកវិភាគឯករាជ្យ ត្រូវបានខ្មាន់កាំភ្លើងបាញ់ចំនួនពីរគ្រាប់ បណ្ដាលឲ្យស្លាប់ភា្លមៗនៅក្នុងហាងលក់ទំនិញមួយកន្លែងក្នុងស្ថានីយ៍ប្រេងឥន្ធនៈកាលតិច (Caltex) នៅក្នុងខណ្ឌចំការមន រាជធានីភ្នំពេញ។

វីអូអេបានព្យាយាមទាក់ទងសុំការអធិប្បាយពីលោកស្រីប៊ូ រចនា អាយុ៣៦ ឆ្នាំភរិយារបស់លោកកែម ឡី តែមិនអាចទាក់ទងបានទេនៅថ្ងៃច័ន្ទនេះ។លោកស្រី និងកូនៗទាំង៥នាក់ពេលនេះកំពុងភៀសខ្លួននៅឯក្រៅប្រទេសដោយហេតុផលសុវត្តិភាព។

លោកឆើយ ឧត្តមរស្មី កូនប្រុសលោកឈុត វទ្ធី អតីតសកម្មជនការពារបរិស្ថានដែលត្រូវបានខ្មាន់កាំភ្លើងបានបាញ់សម្លាប់ក្នុងខេត្តកោះកុងកាលពីខែមេសាឆ្នាំ២០១២ បានឲ្យដឹងថា លោកនឹងចូលរួមពិធីនោះ ពីព្រោះវាជាឱកាសដ៏ល្អមួយដែលយើងទាំងអស់គ្នាចាំបាច់ត្រូវទាមទាររកយុត្តិធម៌។

លោកនិយាយថា៖

«វាពិតជាមានសារៈសំខាន់ខ្លាំងមែនទែន បើមានសង្គមស៊ីវិល និងអ្នកសារព័ត៌មានចូលរួម។ យើងនឹងបញ្ចេញមតិ អ្វីដែលយើងចង់បញ្ចេញ ហើយយើងនឹងធ្វើការគោរពខួបលោកជា វិជ្ជា ហើយលោកឪពុកខ្ញុំ លោកបណ្ឌិត កែម ឡី ដើម្បីទាមទាររកយុត្តិធម៌ ពីព្រោះយើងជាអ្នករងគ្រោះដូចគ្នា»។

លោកអំ សំអាត ប្រធានការិយាល័យបច្ចេកទេសស៊ើបអង្កេតរបស់អង្គការលីកាដូ មានប្រសាសន៍ថា វាជាគំរូដ៏ល្អមួយដែលក្រុមគ្រួសារជនរងគ្រោះប្រមូលផ្តុំគ្នាតែមួយដើម្បីទាមទាររកយុត្តិធម៌។ លោកបញ្ជាក់ថា៖

«ខ្ញុំគិតថា ល្មមដល់ពេលហើយដែលរដ្ឋាភិបាលត្រូវតែបង្ហាញនូវស្នាដៃរបស់ខ្លួនដើម្បីស្វែងរកយុត្តិធម៌សម្រាប់សម្មជនទាំងឡាយដែលបានបាត់បង់ជីវិតទៅហើយ។ បើយើងបណ្តោយឲ្យភាពនិទណ្ឌភាពនេះនៅតែបន្ត នោះអំពើហិង្សានៃការបាញ់សម្លាប់វាអាចនឹងកើតឡើងបន្តទៀត»។

លោកនាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ បានបញ្ជាក់ថា គ្រប់ឃាដកម្មដែលបានកើតមានឡើងសម្ថកិច្ចមិនព្រងើយកន្តើយនោះទេ ហើយមានករណីខ្លះរកឃើញ និងមានករណីខ្លះរកមិនឃើញផងដែរ។

លោកមានប្រសាសន៍ថា ចំពោះសំណុំរឿងណាដែលមិនទាន់បិទបញ្ចប់សម្ថកិច្ចសម្ថកិច្ចនៅបន្តធ្វើការស៊ើបអង្កេតរបស់ខ្លួននៅឡើយ បើទោះបីសំណុំរឿងនោះបានកើតមានឡើងយូរឆ្នាំរួចហើយក៏ដោយ៕

A more direct path for mango exports

A farmer collects harvested mangoes in Kandal province in 2013. Heng Chivoan

Sweet and juicy mangoes grown in Cambodia have been finding their way into top Asian markets for years, but until now only through Thai and Vietnamese brokers, and often repackaged or processed into juices and jams to disguise their Khmer origin.

Local producers’ lack of modern processing and packaging equipment meant the only way to access the lucrative Chinese, Japanese and South Korean markets – where the value of Cambodian-grown mangoes can jump by 6,000 percent – was indirectly through middlemen, who raked off most of the profit. But a number of companies are looking to change this supply chain model, and investing accordingly.

A local subsidiary of Hyundai Corporation, the South Korean conglomerate best known for producing cars and SUVs, is sinking $4 million into developing a processing and distribution centre in Cambodia for mangoes and other fruits. Last November, Hyundai CNF Inc inked a deal with local mango producer Mao Legacy Co Ltd to establish the facility in Kampong Speu province.

“We invested $4 million into an exporting system and facility to produce high-quality mangoes for export to the global market,” Lee Changhoon, representative for Hyundai Corporation (Cambodia) Co Ltd, said yesterday.

The commercial facility will wash, process and package mangoes grown on Hyundai’s 400-hectare plantation, as well as Mao Legacy’s 2,000 hectares of mango farms. A planned expansion will add processing lines.

“To add value, we plan in the next step to set up another facility for drying and freezing mangoes to produce juice, jams, etc,” Lee said.

He added that the synergies of the two companies – Mao Legacy’s network of farms producing high-quality mangoes and Hyundai’s global presence – should readily open new markets in Europe, Asia and the Middle East for premium Cambodian mangoes. The first shipments are expected by the end of the year.

“Firstly we will focus on the Korean and Japanese markets,” he said, adding that the government signed a memorandum of understanding (MoU) with South Korea in December 2015 to begin official exports, while Japanese market regulations were similar to those of South Korea.

Lee said Hyundai’s investment in modern processing and packaging equipment will give local mango farmers an alternative to selling their crop to Thai and Vietnamese brokers. This will not only ensure higher earnings for the farmers, but will protect them from market vicissitudes, such as border closures and temporary import bans by Thai or Vietnamese authorities.

“We will teach farmers and local communities how to produce good-quality mangoes,” he said. “Farmers will no longer have to worry about buyers or price, because we will contract to buy from them.”

Agro-industrial conglomerate Mong Reththy Group (MRG), the first Cambodian company to officially export mangoes, already has a three-year lead on Hyundai.

Since 2013 it has been working with a Singaporean partner to develop a mango processing plant in Preah Sihanouk province. The company is investing in washing and grading machinery, and recently ordered EPE foam-net machines, which envelop individual mangoes in soft packaging material for long-haul shipments.

MRG chairman Mong Reththy said last year his company delivered some 60 tonnes of mangoes to Europe. This year it is looking to crack into the Chinese market.

Reththy compared Cambodia’s mango production potential to that of China’s top mango producing area, Hainan Island, but noted discrepancies in price, volume and quality. Mango farmers in Cambodia can earn between $8,000 and $10,000 per hectare a year, while those in Hainan pull in $25,000 to $30,000 per hectare.

“Cambodia has the potential to grow mangoes much the same as Hainan in China, but the price and quality are different, which limits our farmers’ living standards,” he said.

“We have to learn the technical aspects from them and bring packaging systems here in order to add value to our mango products, especially direct exports to China, which is a huge market.”

A third commercial mango processing facility appeared on the horizon recently. A joint venture between locally incorporated Blooming Pka and Singapore’s InfraCo Asia has commissioned a feasibility study on establishing a mango processing plant in Cambodia.

The project envisions a washing and cleansing facility for fresh mangoes, as well as a processing plant for value-added products such as dried mango and juice. The mangoes would be sourced from local smallholder farmers or cooperatives.

In Chayvan, president of the Kampong Speu Mango Association, which comprises 135 members with 10,000 hectares of mango farms, said direct exports have traditionally been blocked by hygiene-related issues, including critical sanitary and phytosanitary (SPS) certification.

“Our mangoes in Kampong Speu province are recognised as high quality by buyers, but our legal system has proven a barrier to direct exports and our pest control capacity is still limited,” he said.

Chayvan said the absence of SPS certification has resulted in Cambodian farmers having to sell their mangoes to Thai and Vietnamese brokers for as little as 800 riel ($0.20) per kilo.

According to Yin Chansothy, deputy director of the industrial crop department at the Ministry of Agriculture, Cambodia has about 65,000 hectares of mango farms, producing over 1 million tonnes per year.

He said top-tiered mangoes like the ones that farmers sell for just 2,000 riel ($0.50) per kilo in Cambodia can fetch up to $30 per kilo at supermarkets in Europe and South Korea

លោកហ៊ុន សែនស្នើឲ្យលុបចោលប្រធានក្រុមភាគតិចនៅរដ្ឋសភាកុំឲ្យពិបាករឿងចរចាដោះលែងអ្នកទោស

លោកនាយករដ្ឋមន្ត្រីហ៊ុន សែននៅរសៀលនេះ បានបញ្ជាក់ថា បើយន្តការដែលទើបបង្កើតឡើងតាមរយៈប្រការ៤៨ថ្មី(បី)នៃបទបញ្ជាផ្ទៃក្នុងរដ្ឋសភាធ្វើឲ្យពិបាកក្នុងការធ្វើការដោយរួមទាំងការប៉ុនប៉ងប្រើប្រាស់វា ដើម្បីចរចាដោះលែងអ្នកទោសនោះ លោកស្នើឲ្យធ្វើវិសោធនកម្មប្រការថ្មីនេះតែម្តង។ ការធ្វើវិសោធនកម្មប្រការថ្មីនេះ មានន័យស្មើនឹងលុបចោលប្រធានក្រុមមតិភាគតិច និងប្រធានក្រុមថ្នាក់ដឹកនាំតំណាងរាស្ត្រនៅក្នុងរដ្ឋសភា។

ពីប្រទេសស្វីសតាមរយៈសារព័ត៌មានអនឡាញFresh News លោកនាយករដ្ឋមន្ត្រីហ៊ុន សែនបានបញ្ជាក់យ៉ាងដូច្នេះថា «បើយន្តការដែលទើបបង្កើតឡើងតាមរយៈប្រការ៤៨ថ្មី (បី) វាពិបាកធ្វើការដោយរួមទាំងការប៉ុនប៉ងប្រើប្រាស់វា ដើម្បីចរចាដោះលែងអ្នកទោសដែលបំពានដល់អំណាចតុលាការផងនោះ យើងត្រូវតែធ្វើវិសោធនកម្មប្រការ៤៨ថ្មី (បី) ហើយវិលទៅប្រើប្រការ ៤៨ (ពីរ) នៃបទបញ្ជាផ្ទៃក្នុងនៃរដ្ឋសភាវិញ។ ដោយសារប្រការ ៤៨ថ្មី (បី) ជាគំនិតផ្តួចផ្តើមរបស់ខ្ញុំ ទើបខ្ញុំស្នើសុំឲ្យធ្វើការកែប្រែតាមរយៈសមាជិកសភាគណបក្សប្រជាជនកម្ពុជា និងគណបក្សប្រជាជនកម្ពុជាវិញ»។

បើតាមប្រមុខរដ្ឋាភិបាលកម្ពុជា ការធ្វើដូច្នេះ គឺដើម្បីឆាប់ចប់រឿងព្រោះមិនចាំបាច់ពិបាករៀបចំរបៀបវារៈនៃការប្រជុំទៀតទេ ព្រោះថា យន្តការនោះវារលាយបាត់តាមរយៈវិសោធនកម្មដែលនឹងត្រូវធ្វើរួចទៅហើយ។ សូមបញ្ជាក់ថា ប្រសិនបើប្រការថ្មីនោះ ត្រូវបានធ្វើវិសោធនកម្មតាមការលើកឡើងរបស់លោកនាយករដ្ឋមន្ត្រីហ៊ុន សែន មែននោះ គឺមានន័យថាលោកកឹម សុខា ប្រធានស្តីទីគណបក្សសង្គ្រោះជាតិនឹងត្រូវបានបាត់បង់តំណែងជាប្រធានក្រុមមតិភាគតិចនិងប្រធានក្រុមថ្នាក់ដឹកនាំតំណាងរាស្ត្រគណប្សសង្គ្រោះជាតិ ដែលទើបនឹងទទួលបានកាលពីដើមធ្នូ ឆ្នាំ២០១៦ កន្លងទៅ។

លោកយឹម សុវណ្ណ អ្នកនាំពាក្យគណបក្សសង្គ្រោះជាតិបានបដិសេធមិនធ្វើអត្ថាធិប្បាយទេជុំវិញការលើកឡើងរបស់លោកនាយករដ្ឋមន្ត្រីហ៊ុន សែននេះ ដោយលោកបញ្ជាក់ថា មានបញ្ហាជាតិជាច្រើនទៀតដែលគណបក្សត្រូវដោះស្រាយ។

យ៉ាងណាក៏ដោយ សម្រាប់លោកសូរ ចន្ថា សាស្ត្រាចារ្យផ្នែកវិទ្យាសាស្ត្រនយោបាយ លោកយល់ថា ប្រសិនបើមានការដកដំណែងប្រធានក្រុមមតិភាគតិចពីលោកកឹម សុខាមែននោះ បានន័យថាការលើកលែងទោសលោកកឹម សុខា និងការផ្តល់តួនាទីជាប្រធានក្រុមមតិភាគតិចនៅក្នុងរដ្ឋសភានាពេលកន្លងមកគឺគ្រាន់តែជាយុទ្ធសាស្ត្រឫជាល្បែងនយោបាយបំបែកបំបាក់គណបក្សប្រឆាំង។ មិនតែប៉ុណ្ណោះ លោកបានបញ្ជាក់ដែរថា ការដកតំណែងដែលនឹងកើតឡើងនេះ នឹងធ្វើឲ្យប៉ះពាល់ដល់បរិយាកាសនយោបាយមុនការបោះឆ្នោតនាពេលខាងមុខនេះ។

ផ្ទុយពីការលើកឡើងរបស់លោកសូរ ចន្ថា លោកអ៊ូ វីរៈប្រធានវេទិកាអនាគតនិងជាអ្នកវិភាគស្ថានការនយោបាយកម្ពុជាបានបញ្ជាក់ថា ការចង់លុបចោលតំណែងជាប្រធានមតិភាគតិចនៅក្នុងរដ្ឋសភានេះ មិនប៉ះពាល់អ្វីធ្ងន់ធ្ងរដល់វប្បធម៌សន្ទនារវាងគណបក្សទាំងពីរឡើយ ព្រោះថា ការជជែកគ្នាមិនចាំបាច់មានតួនាទីនៅក្នុងរដ្ឋសភាក៏អាចធ្វើបានដែរ។ បើតាមលោកអ៊ូ វីរៈ ការចរចាគ្នាអាចនឹងកើតមានឡើង សំខាន់ឲ្យតែភាគីនីមួយៗមានឆន្ទៈពិតប្រាកដក្នុងការជជែកគ្នា៕

Tebthida