Tebthida: 11/06/16

Sunday, November 6, 2016

ពលរដ្ឋខេត្តត្បូងឃ្មុំស្នើសមត្ថកិច្ចជួយរកជនល្មើសដែលបំផ្លាញស្វាយចន្ទីរបស់ពួកគាត់

ប្រជាពលរដ្ឋរស់នៅឃុំត្រពាំងព្រីង ស្រុកតំបែរ ខេត្តត្បូងឃ្មុំ ចំនួនពីរគ្រួសារ ស្នើឲ្យអាជ្ញាធរមូលដ្ឋាន និងអាជ្ញាធរខេត្ត ជួយស្វែងរកក្រុមជនល្មើសដែលបំផ្លាញផលដំណាំស្វាយចន្ទីរបស់ពួកគាត់ យកមកផ្ដន្ទាទោសតាមផ្លូវច្បាប់។

ការស្នើសុំនេះ ក្រោយពេលដំណាំស្វាយចន្ទីរបស់ពួកគាត់ប្រមាណ ៦០០ដើមលើទំហំដី ៦ហិកតារ ត្រូវបានជនមិនស្គាល់មុខដកចោលកាលពីពេលថ្មីៗនេះ។

ពលរដ្ឋនៅឃុំត្រពាំងព្រីង មួយរូប គឺលោក យាង វណ្ណថា។ លោកមានប្រសាសន៍ថា ស្វាយចន្ទីដែលលោកម៉ៅដាំឲ្យគេជាង ៥០០ដើមលើទំហំដី ៥ហិកតារកន្លះ និងដើមស្វាយចន្ទីកន្លះហិកតាររបស់ពលរដ្ឋមួយគ្រួសារទៀត ត្រូវបានជនមិនស្គាល់មុខបំផ្លាញចោល។ លោកថា ការបំផ្លាញដំណាំស្វាយចន្ទីរបស់ពួកគាត់ អាចធ្វើឡើងកាលពីចុងខែតុលា ឬដើមខែវិច្ឆិកា ព្រោះលោកទើបតែដឹងអំពីការបំផ្លាញនេះនៅព្រឹកថ្ងៃទី៦ វិច្ឆិកា ព្រោះកាលពីថ្ងៃទី២៧ តុលា លោកបានទៅមើលដំណាំទាំងនោះ គឺមិនមានបញ្ហាកើតឡើងឡើយ។

លោកបញ្ជាក់ថា កាលពីខែមិថុនា មនុស្សមួយក្រុមបានទៅដកដំឡូងមីរបស់ពួកគាត់អស់ចំនួន ៨ហិកតារ ហើយពេលនោះ ប្រជាពលរដ្ឋសង្ស័យថាជាស្នាដៃរបស់អធិការរងស្រុកតំបែរ គឺលោក ប៉េង ផេងគី ព្រោះអធិការរងរូបនេះធ្លាប់គំរាមបំផ្លាញដំណាំរបស់ពួកគាត់។ ចំណែកការបំផ្លាញដំណាំស្វាយចន្ទីម្តងនេះ លោកសង្ស័យថាគ្មានក្រុមណាផ្សេងទៀតទេ ពីព្រោះដីពលរដ្ឋកំពុងអាស្រ័យផល គឺមានជម្លោះជាមួយលោក ប៉េង ផេងគី មិនទាន់ដោះស្រាយឡើយ៖ «ខ្ញុំប្ដឹងទៅដល់ក្រសួងកសិកម្ម ទៅដល់ឯកឧត្តម វេង សាខុន ប៉ុន្តែរយៈពេលមកហ្នឹងប៉ុន្មានខែហើយ អត់មានដំណោះស្រាយអីផង។ ហើយឥឡូវហ្នឹងដល់ដកស្វាយចន្ទីហ្នឹងទៀតហើយ»។

ប្រភពដដែលអះអាងថា លោកបានចំណាយថវិកាអស់ជាង ៣លានរៀលក្នុងការដាំស្វាយចន្ទីកាលពីខែកក្កដា។ បញ្ហានេះ ពលរដ្ឋបានជម្រាបទៅសមត្ថកិច្ចមូលដ្ឋាន ហើយគ្រោងនឹងដាក់ពាក្យប្ដឹងទៅសមត្ថកិច្ចជាផ្លូវការ នៅថ្ងៃច័ន្ទ ទី៧ វិច្ឆិកា ដោយស្នើឲ្យអាជ្ញាធរជួយស្វែងរកជនល្មើសយកមកផ្ដន្ទាទោសទៅតាមផ្លូវច្បាប់៕

យុវជនជាង២០នាក់ស្វែងយល់ពីរបៀបសរសេរព័ត៌មានខ្លីដែលកើតក្នុងតំបន់ពួកគាត់រស់នៅ

មជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ (CCIM) បើកវគ្គបណ្តុះបណ្តាលស្ដីពីភាពជាប្រជាពលរដ្ឋអ្នកសារព័ត៌មានដល់ក្រុមយុវជនជាង ២០នាក់ នៅព្រឹកថ្ងៃទី៦ ខែវិច្ឆិកា ឆ្នាំ២០១៦។ RFA/Saut Sokprathna

ក្រុមយុវជនលើកឡើងថា ប្រជាពលរដ្ឋមានតួនាទីសំខាន់នៅពេលពួកគាត់ដើរតួនាទីជាអ្នកសារព័ត៌មាន ដូចជាការផ្តល់ និងសរសេរព័ត៌មានខ្លីៗនូវរឿងរ៉ាវដែលកើតឡើងនៅក្នុងតំបន់ដែលពួកគាត់រស់នៅ។ ការលើកឡើងនេះ ក្រោយពេលមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ ហៅកាត់ថា ស៊ី.ស៊ី.អាយ.អិម (CCIM) បើកវគ្គបណ្តុះបណ្តាលស្ដីពីភាពជាប្រជាពលរដ្ឋអ្នកសារព័ត៌មានដល់ក្រុមយុវជនជាង ២០នាក់ចូលរួម។

ក្រុមយុវជនយល់ឃើញថា ការសរសេរព័ត៌មានខ្លីៗដែលជាព័ត៌មានមានប្រយោជន៍ គឺចាំបាច់សម្រាប់ប្រជាពលរដ្ឋនៅតាមមូលដ្ឋាន ពិសេសយុវជនត្រូវយល់ដឹងអំពីតួនាទីជាអ្នកសារព័ត៌មាន។ បន្ថែមពីនេះ ការរាយការណ៍ព័ត៌មាន ឬការផ្តល់ជូនព័ត៌មានដែលប្រកបដោយវិជ្ជាជីវៈ និងក្រមសីលធម៌ខ្ពស់ គឺរឹតតែចាំបាច់ក្នុងការកែប្រែសង្គម ឲ្យឈានទៅរកភាពវិជ្ជមានថែមទៀតផង។

យុវជនដែលបានបញ្ចប់ការសិក្សាផ្នែកច្បាប់មកពីសាកលវិទ្យាល័យបញ្ញាសាស្ត្រកម្ពុជា លោក ម៉ៅ វាសនា ឲ្យដឹងថា វគ្គបណ្តុះបណ្តាលភាពជាពលរដ្ឋអ្នកសារព័ត៌មាន គឺពិតជាមានសារសំខាន់ដល់ប្រជាជនគ្រប់រូប ពិសេសក្រុមយុវជនដែលជាក្រុមមនុស្សប្រើប្រាស់ប្រព័ន្ធទំនាក់ទំនងសង្គមច្រើនជាងគេ។ លោកបន្តថា វគ្គបណ្តុះបណ្តាលនេះ គឺកាន់តែធ្វើឲ្យលោកយល់ដឹងពីរបៀបសរសេរព័ត៌មានខ្លីៗ បើទោះបីជាមិនដូចក្រុមអ្នកសារព័ត៌មានអាជីពក៏ដោយ ប៉ុន្តែធ្វើឲ្យមហាជនបានដឹងអំពីហេតុការណ៍ ឬរឿងរ៉ាវដែលកើតមានតាមមូលដ្ឋានរបស់ពួកគេ៖ «ព័ត៌មានហ្នឹងធ្វើឲ្យមានការផ្លាស់ប្ដូរសង្គមមួយ។ នៅពេលកន្លែងណាដែលព័ត៌មានចូលទៅដល់កន្លែងណា មនុស្សនៅទីនោះគេនឹងចាប់បានថាមានអ្វីកើតឡើង»។

យុវជនដដែលអះអាងថា ចំណេះដឹងដែលខ្លួនទទួលបានពីវគ្គបណ្តុះបណ្តាលនេះ រូបគេនឹងខិតខំពង្រឹងសមត្ថភាព ហើយយកទៅប្រើប្រាស់នៅក្នុងសង្គមឲ្យមានប្រយោជន៍សម្រាប់ពលរដ្ឋផ្សេងទៀត ព្រមទាំងយកចំណេះដឹងទាំងនោះធ្វើជារបៀបតស៊ូមតិ ជាដើម។

វគ្គបណ្តុះបណ្តាលភាពជាពលរដ្ឋអ្នកសារព័ត៌មាន គឺធ្វើឡើងចំនួនបីថ្ងៃ ចាប់ពីថ្ងៃទី៤ ដល់ថ្ងៃទី៦ វិច្ឆិកា ដែលមានយុវជនចូលរួមជាង ២០នាក់មកពីតាមបណ្ដាសាកលវិទ្យាល័យផ្សេងៗនៅរាជធានីភ្នំពេញ។

និស្សិតឆ្នាំទី៤ ផ្នែកទំនាក់ទំនងអន្តរជាតិនៃសាកលវិទ្យាល័យខេមរៈ កញ្ញា រឹម ផាត បុប្ផាភួង យល់ថា វគ្គបណ្តុះបណ្តាលនេះ គឺសំខាន់សម្រាប់យុវជនក្នុងការផ្សព្វផ្សាយ ឬចែករំលែកព័ត៌មានរបស់ពួកគេ។ ជាងនេះទៀត កាន់តែធ្វើឲ្យកញ្ញាអាចចែករំលែក ឬផ្សព្វផ្សាយព័ត៌មានកាន់តែល្អ និងមានប្រយោជន៍បន្ថែមទៀតដល់មហាជននៅក្នុងសង្គម៖ «យើងធ្វើការប្រៀបធៀបមុនការចូលរួម និងក្រោយការចូលរួមឃើញថា សមត្ថភាពនៃការសរសេររបស់យើងនឹងអាចខុសប្លែកពីមុន»។

ដោយសារវគ្គបណ្តុះបណ្តាលពេលនេះមានតែយុវជនចូលរួម ទើបកញ្ញា បុប្ផាភួង ចង់ឲ្យមានវគ្គបណ្តុះបណ្តាលរបៀបនេះបន្ថែមទៀត ប៉ុន្តែសុំឲ្យអ្នករៀបចំកម្មវិធីត្រូវអញ្ជើញក្រុមពលរដ្ឋតាមមូលដ្ឋាន ប្រជាសហគមន៍ដែលមានបញ្ហាប្រឈម ដូចជាបញ្ហាបរិស្ថាន ឬបញ្ហាដីធ្លី ព្រមទាំងពលរដ្ឋនៅតាមតំបន់ដាច់ស្រយាលមកចូលរួមដែរ។

នាយកមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ និងជាគ្រូបង្គោលក្នុងវគ្គបណ្តុះបណ្តាលនេះ លោក ណុប វី មានប្រសាសន៍ថា គោលបំណងសំខាន់ គឺដើម្បីផ្តល់ជំនាញជាមូលដ្ឋានមួយចំនួនដល់អ្នកចូលរួម ដូចជាជំនាញថតរូប ឬថតវីដេអូ។ លើសពីនេះ បង្រៀនពីរបៀបប្រើប្រាស់បច្ចេកវិទ្យា ដូចជាទូរស័ព្ទដៃក្នុងការថតសំឡេង ឬចែករំលែកព័ត៌មាន និងរបៀបសរសេរព័ត៌មានដែលប្រកបដោយវិជ្ជាជីវៈ និងក្រមសីលធម៌ ក្នុងកម្រិតមួយដែលពួកគេអាចទទួលយកបាន៖ «អ្នកសារព័ត៌មានយើងហ្នឹង គឺមានចំនួនតិច ហើយភាគច្រើនធ្វើការនៅតែទីក្រុងភ្នំពេញទេ។ ដូច្នេះប្រសិនបើមិនមានពលរដ្ឋអ្នកសារព័ត៌មានទេ នៅពេលមានព័ត៌មាន ឬនៅពេលមានបញ្ហាកើតឡើងនៅមូលដ្ឋាន គឺអ្នកសារព័ត៌មាននៅភ្នំពេញ គាត់អត់បានដឹងទេ»។

លោកមើលឃើញថា វគ្គបណ្ដុះបណ្ដាលនេះនឹងជួយឲ្យអ្នកចូលរួមទាំងអស់កាន់តែសកម្មក្នុងការចែករំលែកដំណឹង ឬព័ត៌មានដែលផ្តល់ប្រយោជន៍ដល់សង្គម ជាជាងការផ្សព្វផ្សាយរូបភាព ឬបញ្ចេញមតិអ្វីមួយដែលមិនមានប្រយោជន៍។

កន្លងទៅ មជ្ឈមណ្ឌល ស៊ី.ស៊ី.អាយ.អិម បានបើកវគ្គបណ្តុះបណ្តាលរបៀបនេះដល់ប្រជាពលរដ្ឋ និងយុវជនជិត ១០០នាក់មកហើយ។

លោក ណុប វី បញ្ជាក់ថា ខាងលោកនឹងខិតខំបង្កើតវគ្គបណ្តុះបណ្តាលបែបនេះកាន់តែច្រើនដល់ប្រជាសហគមន៍ និងយុវជនបន្ថែមទៀត ដើម្បីឲ្យពួកគាត់ក្លាយជាពលរដ្ឋអ្នកសារព័ត៌មាន និងកាន់តែសកម្មក្នុងការចូលរួមរាយការណ៍ព័ត៌មានដែលកើតឡើងក្នុងសហគមន៍របស់ពួកគាត់៕

សហគមន៍បារម្ភពីការខ្វះមធ្យោបាយការពារនិងល្បាតព្រៃឈើក្នុងតំបន់ឧទ្យានជាតិវីរជ័យ

៣១-សីហា-២០១៦៖ ជនជាតិដើមភាគតិច នៅតំបន់អេកូទេសចរណ៍ធម្មជាតិក្នុងឧទ្យានជាតិវីរជ័យ ដែលអ្នកភូមិហៅទីនោះថាជាមណ្ឌលយន ក្នុងខេត្តរតនគិរី។ RFA/Ratha Visal

សហគមន៍តំបន់ការពារធម្មជាតិអូរតាបូក ក្នុងឧទ្យានជាតិវីរជ័យខេត្តរតនគិរី និងមន្ត្រីជំនាញពាក់ព័ន្ធ បានបញ្ចប់បេសកកម្មល្បាតព្រៃដើម្បីរកមើលបទល្មើសព្រៃឈើក្នុងតំបន់ការពារ ខណៈដែលក្រសួងបរិស្ថាន បានកាត់ចេញតំបន់ធនធានធម្មជាតិមួយផ្នែក ប្រគល់ឲ្យប្រជាពលរដ្ឋរស់នៅតំបន់ក្បែរនោះបង្កើតជាសហគមន៍ការពារធម្មជាតិឲ្យបានប្រសើរឡើងវិញ។ តំណាងសហគមន៍អះអាងថា កង្វះសម្ភារៈ និងថវិកា ជាបញ្ហាបារម្ភទាក់ទិនការអភិរក្សធនធានធម្មជាតិបានគង់វង្ស។

មធ្យោបាយល្បាតព្រៃ គឺជាកត្តាសំខាន់ដែលសហគមន៍សំណូមពរឲ្យអង្គការសង្គមស៊ីវិល និងសមត្ថកិច្ចពាក់ព័ន្ធខេត្តរតនគិរី សហការជួយក្រុមល្បាតសហគមន៍ឲ្យមានលទ្ធភាពឃ្លាំមើលបទល្មើសព្រៃឈើបានញឹកញាប់ ដើម្បីអភិរក្សព្រៃឈើបានកាន់តែប្រសើរ។

សំណូមពរនេះ កើតមានឡើងខណៈក្រុមល្បាតព្រៃសហគមន៍តំបន់ការពារធម្មជាតិអូរតាបូក មន្ត្រីអង្គការសង្គ្រោះសត្វព្រៃកម្ពុជា ឆ្មាំអនុរក្សឧទ្យានជាតិវីរជ័យ និងមន្ត្រីបរិស្ថានមានគ្នាប្រមាណ ២០នាក់ នាំគ្នាដើរល្បាតព្រៃកាលពីថ្ងៃទី១ និងថ្ងៃទី២ ខែវិច្ឆិកា តាមសំណូមពរសហគមន៍ ដែលសង្ស័យខ្លាចមានបទល្មើសព្រៃឈើថ្មីកើតមានក្នុងព្រៃការពារ។

ប្រធានសហគមន៍អូរតាបូក លោក សាលា ត្រាវ បញ្ជាក់នៅថ្ងៃទី៥ ខែវិច្ឆិកា ថា ក្រុមល្បាតព្រៃបានបញ្ចប់បេសកកម្មឃ្លាំមើលបទល្មើសព្រៃឈើក្នុងតំបន់ការពារ ហើយមិនឃើញមានសកម្មភាពកាប់ឈើថ្មីកើតមានក្នុងតំបន់ការពារនោះទេ ក្រៅពីរកឃើញចំនៀរឈើចាស់បន្សល់ចោលក្នុងព្រៃឈើ មុនពេលបង្កើតសហគមន៍តំបន់ការពារ។ យ៉ាងនេះក្តី សហគមន៍នៅតែបារម្ភ ប្រសិនក្រុមល្បាតមិនមានលទ្ធភាពចុះល្បាតព្រៃបានញឹកញាប់នោះ គឺជាឱកាសល្អសម្រាប់ជនខិលខូចចូលព្រៃលួចកាប់យកឈើមានតម្លៃជាថ្មីទៀត៖ «មធ្យោបាយយើងមានឯណា? យើងទៅម្តងសាំង ហើយម៉ូតូផង កាណូតផង អ៊ីចឹងផ្លូវឆ្ងាយទៀត។ សំខាន់ថវិកាតែម្តង បើយើងអត់លុយ ធ្វើអ្វីមិនចេញទេ»។

របាយការណ៍របស់អង្គការសង្គ្រោះសត្វព្រៃកម្ពុជា ចេញថ្ងៃទី៥ ខែវិច្ឆិកា ស្ដីពីការល្បាតព្រៃរបស់សហគមន៍អូរតាបូក ឲ្យដឹងថា នៅថ្ងៃទី២ ខែវិច្ឆិកា ក្រុមល្បាតព្រៃចុះទៅដល់ចំណុចអូរឡាប៉ង វាលត្រាំប្រាប់ និងតាមអូរឡាប៉ង បានឃើញចំនៀរឈើចាស់ៗចំនួន ៥ ទៅ ៦ចម្រៀក និងគល់ធ្នង់ ៣ ទៅ ៥គល់ បន្សល់នៅទីនោះតាំងពីយូរមកហើយ មិនឃើញមានគេធ្វើឈើថ្មីនោះទេ។ ចំពោះការផ្តល់ព័ត៌មានថាមានការកាប់ឈើថ្មីនៅឧទ្យានជាតិ គឺជាការផ្តល់ព័ត៌មានច្រឡំ។

ឆ្លើយតបបញ្ហានេះ នាយកកម្មវិធីអង្គការសង្គ្រោះសត្វព្រៃកម្ពុជា លោក ចាន់ វិចិត្រ បញ្ជាក់ដែរថា កន្លងទៅនេះ អង្គការសង្គ្រោះសត្វព្រៃបានចំណាយមូលនិធិទិញសម្ភារៈ និងផ្តល់ថវិកាចំណាយទៅលើសកម្មភាពល្បាតព្រៃសហគមន៍តំបន់ការពាររួចហើយ ដើម្បីបង្កលទ្ធភាពងាយស្រួលសម្រាប់ការងារឃ្លាំមើលបទល្មើសព្រៃឈើ។ លោកថា ព័ត៌មានដែលលោកទទួលបាន គឺរាជរដ្ឋាភិបាលក៏មានគម្រោងបញ្ចេញថវិកាមួយផ្នែកនៅឆ្នាំ២០១៧ ខាងមុខ ដើម្បីបង្កើនក្រុមអនុរក្សជួយសហការឃ្លាំមើល និងបង្ក្រាបបទល្មើសព្រៃឈើក្នុងឧទ្យានជាតិ រួមទាំងតំបន់ការពារធម្មជាតិសហគមន៍ផងដែរ ក៏ប៉ុន្តែសហគមន៍ក៏ត្រូវពង្រឹងតួនាទីរបស់ខ្លួនក្នុងកិច្ចអភិរក្សធនធានធម្មជាតិក្នុងតំបន់សហគមន៍ប្រើប្រាស់ និងអាស្រ័យផលដោយខ្លួនឯង៖ «ខាងអង្គការសង្គមស៊ីវិល នឹងពិនិត្យមើលតើមានលទ្ធភាពជួយគាត់បានកម្រិតណា? ប្រហែលនៅឆ្នាំ២០១៧ នេះ ខាងថ្នាក់ជាតិផ្តល់ឲ្យក្រសួងហិរញ្ញវត្ថុ លៃយកថវិកាមួយចំនួនបង្កើតឧទ្យានុរក្សដើម្បីបង្កើនប្រសិទ្ធភាពល្បាត»។

ក្រសួងបរិស្ថាន កាលពីឆ្នាំ២០១៤ បានកាត់ចេញផ្ទៃដីជាង ១ម៉ឺន ៨ពាន់ហិកតារនៅក្នុងឧទ្យានជាតិវីរជ័យ ក្នុងខេត្តរតនគិរី និងខេត្តស្ទឹងត្រែង បង្កើតសហគមន៍តំបន់ការពារចំនួន៥ រួមមាន តំបន់ការពារធម្មជាតិអូរចាយ ក្នុងខេត្តស្ទឹងត្រែង តំបន់ការពារធម្មជាតិអូរតាបូក មណ្ឌលយន អូរខាំថា និងតំបន់ការពារធម្មជាតិអូរទុង នៅខេត្តរតនគិរី និងតំបន់ការពារធម្មជាតិចំនួនពីរទៀតក្នុងដែនជម្រកសត្វព្រៃលំផាត់ គឺតំបន់ការពារធម្មជាតិអូរគគីរ មានផ្ទៃដីជាង ១.៨០០ហិកតារ (១.៨១៦ហិកតារ) និងតំបន់ការពារធម្មជាតិសេដា មិនទាន់កំណត់ផ្ទៃដី។

ប្រធានការិយាល័យផែនការ និងច្បាប់ និងជាអ្នកសម្របសម្រួលសហគមន៍តំបន់ការពារធម្មជាតិនៃមន្ទីរបរិស្ថានខេត្តរតនគិរី លោក ទន់ សុវណ្ណនី ទទួលស្គាល់ថា ការល្បាតព្រៃរបស់សហគមន៍ពិតជាមានការលំបាក និងខ្វះខាតមធ្យោបាយសម្ភារៈដើម្បីបំពេញការងារបានញឹកញាប់ ក៏ប៉ុន្តែកន្លងទៅ មន្ទីរជំនាញបានសហការជាមួយអង្គការសង្គ្រោះសត្វព្រៃ ផ្តល់ថវិកា និងសម្ភារៈមួយចំនួនសម្រួលការលំបាករបស់សហគមន៍ និងបានចូលផ្តល់មន្ត្រីបច្ចេកទេសរៀបចំចងក្រងសហគមន៍បានរឹងមាំ។ លោកថា សំណូមពរសហគមន៍ លោកនឹងធ្វើរបាយការណ៍ជូនប្រធានមន្ទីរបរិស្ថាន ពិនិត្យ៖ «ខ្ញុំមិនសន្យាបានជាអ្វីទេ។ ខ្ញុំសំណូមពរទៅគាត់សិន បើគាត់មានលទ្ធភាពឲ្យ។ ខាងមន្ទីរបរិស្ថាន យើងមានកិច្ចសហការជាមួយអង្គការសង្គ្រោះសត្វព្រៃ ហើយអង្គការជាអ្នកផ្តល់ថវិកាល្បាត។ ខាងរដ្ឋាភិបាលបន្ថែមឧទ្យានុរក្ស ៣០០នាក់នៅទូទាំងប្រទេស»។

ចាប់ពីខែកក្កដា រហូតមកទល់នឹងខែតុលា ឆ្នាំ២០១៦ សហគមន៍តំបន់ការពារចំនួនពីរ គឺសហគមន៍មណ្ឌលយន និងសហគមន៍អូរគគីរ ក្រៅពីដើរល្បាតព្រៃសហគមន៍ទាំងពីរនេះ បាននាំគ្នាស្ដារព្រៃដាំកូនឈើឡើងវិញបានជាង ២ពាន់ដើម៕

បក្សប្រឆាំងថាការបូជាសពលោក ប៉ែន សុវណ្ណ បង្ហាញពីការរើសអើងនយោបាយ

ពិធីហែសពលោក ប៉ែន សុវណ្ណ ចេញពីវត្តថាន់ យកទៅបូជានៅវត្តឫស្សីសាញ់ ជិតគុកព្រៃស នៅថ្ងៃទី៦ ខែវិច្ឆិកា ឆ្នាំ២០១៦។

សពលោក ប៉ែន សុវណ្ណ អតីតនាយករដ្ឋមន្ត្រីនៃរបបសាធារណៈប្រជាមានិតកម្ពុជា និងជាតំណាងរាស្ត្រគណបក្សសង្គ្រោះជាតិ នោះ ត្រូវបានបូជាហើយនៅលើមេរុក្នុងវត្តឫស្សីសាញ់ ស្ថិតនៅខណ្ឌដង្កោ ក្រោមមេឃភ្លៀងរលឹមស្រិចៗនៅព្រឹកថ្ងៃអាទិត្យ ទី៦ វិច្ឆិកា។ បក្សប្រឆាំង និងប្រជាពលរដ្ឋ យល់ថា ការដែលអាជ្ញាធររាជធានីភ្នំពេញ មិនអនុញ្ញាតឲ្យធ្វើពិធីបូជានៅវត្តបទុមវតី ក្នុងរាជធានីភ្នំពេញ គឺបង្ហាញពីការរើសអើងនយោបាយ។

សពលោក ប៉ែន សុវណ្ណ ត្រូវបានក្រុមគ្រួសារ និងគណៈកម្មការបុណ្យ រួមទាំងប្រជាពលរដ្ឋប្រមាណ ២ពាន់នាក់ បានដង្ហែចេញពីវត្តថាន់ នៅម៉ោងជិត ៧ព្រឹក ថ្ងៃទី៦ ខែវិច្ឆិកា ឆ្ពោះទៅបូជានៅវត្តឫស្សីសាញ់ មិនឆ្ងាយប៉ុន្មានពីគុកព្រៃស ស្ថិតនៅខណ្ឌដង្កោ រាជធានីភ្នំពេញ។

ការបង្វែរទិសមកបូជានៅជាយក្រុងភ្នំពេញនេះ ក្រោយពីមានភាពចម្រូងចម្រាសគ្នាជាច្រើនលើករវាងគណៈកម្មការបុណ្យសព និងសាលារាជធានីភ្នំពេញ អំពីទីកន្លែងបូជាសពនៅមុខវត្តបទុមវតី និងវត្តនិរោធ ព្រមទាំងទីតម្កល់សពសម្រាប់ធ្វើបុណ្យនៅវត្តនួនមណីរាម ហៅវត្តថាន់ រាជធានីភ្នំពេញ។

អនុប្រធានគណៈកម្មការបុណ្យសពលោក ប៉ែន សុវណ្ណ និងជាតំណាងរាស្ត្រគណបក្សសង្គ្រោះជាតិ លោក ម៉ៅ មុនីវណ្ណ សម្ដែងការមិនពេញចិត្តនឹងសាលារាជធានីភ្នំពេញ ដែលតម្រូវឲ្យបូជាសពលោក ប៉ែន សុវណ្ណ នៅជាយក្រុង។ លោកថា នេះគឺបង្ហាញឲ្យឃើញនូវការរើសអើងផ្នែកនយោបាយ ឬមានស្តង់ដារពីរ ដោយលោកលើកហេតុផលថា លោក ប៉ែន សុវណ្ណ ធ្លាប់ជានាយករដ្ឋមន្ត្រី និងជាតំណាងរាស្ត្រមួយរូប មិនគួរណាមិនត្រូវបានអនុញ្ញាតឲ្យបូជាសពនៅមុខវត្តបទុមវតី ទេ៖ «»។

អតីតនាយករដ្ឋមន្ត្រីរូបនេះ ទទួលមរណភាពកាលពីថ្ងៃទី២៩ ខែតុលា ក្នុងអាយុ ៨០ឆ្នាំ។ មុនពិធីបូជានេះ គឺសពលោក ប៉ែន សុវណ្ណ ត្រូវបានបក្សប្រឆាំង និងក្រុមគ្រួសារ ដង្ហែចេញពីខេត្តតាកែវ មកតម្កល់ធ្វើបុណ្យនៅវត្តថាន់ ក្នុងរាជធានីភ្នំពេញ កាលពីព្រឹកថ្ងៃទី២ ខែវិច្ឆិកា។

យុវតីម្នាក់ឈ្មោះ ទីតាភូ ដែលបានចូលរួមពិធីបូជាសពលោក ប៉ែន សុវណ្ណ រៀបរាប់ថា លោក ប៉ែន សុវណ្ណ គឺជាអតីតនាយករដ្ឋមន្ត្រីខ្មែរមួយរូបដែលមានឆន្ទៈ និងស្មារតីស្នេហាជាតិ និងប្រជាជន ដោយហ៊ានប្រឆាំងនឹងបរទេសឈ្លានពានកម្ពុជា ដូច្នេះគួរណាស់តែគាត់ទទួលបានកិត្តិយសក្នុងការបូជាសពនៅមុខវត្តបទុមវតី ពោលគឺមិនមែននៅជាយក្រុងភ្នំពេញដូច្នេះទេ៖ «»។

តំណាងរាស្ត្រគណបក្សសង្គ្រោះជាតិ និងក្រុមគ្រួសារក្នុងពិធីបូជាសពលោក ប៉ែន សុវណ្ណ នៅវត្តឫស្សីសាញ់ ជិតគុកព្រៃស នៅថ្ងៃទី៦ ខែវិច្ឆិកា ឆ្នាំ២០១៦។

រីឯកូនស្រីលោក ប៉ែន សុវណ្ណ វិញថ្លែងថា ថ្វីត្បិតតែសពឪពុកអ្នកស្រីមិនត្រូវបានអនុញ្ញាតឲ្យបូជានៅក្នុងទីក្រុងភ្នំពេញក្តី ក៏ប៉ុន្តែអ្នកស្រីយល់ថា ប្រជាពលរដ្ឋខ្មែរនៅតែគោរពស្រឡាញ់ ហើយថែមទាំងឲ្យតម្លៃ និងកាន់តែអាណិតឪពុកអ្នកស្រីកាន់តែខ្លាំងថែមទៀត។ អ្នកស្រីបន្ថែមថា ឪពុកអ្នកស្រីនឹងមិនតូចចិត្តឡើយចំពោះកន្លែងបូជាសពនេះ ព្រោះមួយជីវិតរបស់គាត់កាលនៅរស់ គឺដើម្បីតែប្រជាពលរដ្ឋ និងប្រទេសជាតិ៖ «»។

គណៈកម្មការបុណ្យ ឲ្យដឹងថា ក្រោយពីពិធីបូជានោះ គឺអដ្ឋិធាតុលោក ប៉ែន សុវណ្ណ នឹងត្រូវយកទៅតម្កល់ទុកនៅគេហដ្ឋានរបស់លោកនាខេត្តតាកែវ ហើយគណៈកម្មការ និងគ្រួសារ គ្រោងនឹងសាងសង់ចេតិយមួយនៅទីនោះ សម្រាប់ឲ្យពលរដ្ឋខ្មែរជំនាន់ក្រោយគ្រប់រូបបានដឹង និងបានទៅគោរពបូជាវិញ្ញាណក្ខន្ធរបស់គាត់ផងដែរ៕

ពិធីបូជាសពលោក ប៉ែន សុវណ្ណ នៅវត្តឫស្សីសាញ់ ជិតគុកព្រៃស នៅថ្ងៃទី៦ ខែវិច្ឆិកា ឆ្នាំ២០១៦។ Photo SBN

ពិធីបូជាសពលោក ប៉ែន សុវណ្ណ នៅវត្តឫស្សីសាញ់ ជិតគុកព្រៃស នៅថ្ងៃទី៦ ខែវិច្ឆិកា ឆ្នាំ២០១៦។

អ្នកភូមិថាមន្ត្រីអាជ្ញាធរអប្សរាមួយក្រុមលួចកាប់ដើមគ្រញូងមួយដើមធំក្នុងតំបន់អង្គរធំ

មន្ត្រីមន្ទីរបរិស្ថានខេត្តសៀមរាប ចុះធ្វើកំណត់ហេតុ និងវាស់វែងដើមគ្រញូងដែលត្រូវគេលួចអាររំលំនៅតំបន់អង្គរធំ។ រូបថតថ្ងៃទី៦ ខែវិច្ឆិកា ឆ្នាំ២០១៦ RFA/Hang Savyouth

ឈើគ្រញូងមួយដើមទំហំមុខកាត់ជិត ១ម៉ែត្រ និងកម្ពស់ ១៥ម៉ែត្រ នៅភាគខាងលិចនៃតំបន់អង្គរធំ ត្រង់ភូមិសាស្ត្រប្រាសាទជ្រុង ត្រូវមនុស្សមួយក្រុមដែលបើករថយន្តស្លាកលេខរដ្ឋ នាំគ្នាយករណារយន្តទៅអារផ្ដួលរំលំកាលពីល្ងាចថ្ងៃទី៥ ខែវិច្ឆិកា។

ប្រភពពីអ្នកភូមិនគរក្រៅ ដែលរស់នៅក្បែរនោះ ឲ្យដឹងថា ឈើគ្រញូងមួយដើមនេះមានអាយុកាលជាង ២០០ឆ្នាំ ដែលបច្ចុប្បន្នក៏ជាទីសក្ការបូជារបស់ប្រជាពលរដ្ឋ នៅពេលគេត្រូវការសែនព្រេន ឬក៏បន់ស្រន់អារុក្ខអារក្ខអ្នកតា ជាដើម។

ប្រជាពលរដ្ឋនៅភូមិនគរក្រៅ សង្កាត់គោកចក ក្រុងសៀមរាប ចោទប្រកាន់ថា មន្ត្រីអភិរក្សព្រៃឈើមួយក្រុមរបស់អាជ្ញាធរអប្សរា គឺជាអ្នកដៃដល់ដែលបានយកម៉ាស៊ីនរណារពីរគ្រឿង ទៅអារផ្ដួលរំលំឈើគ្រញូងមួយដើមធំនៅក្នុងតំបន់អង្គរធំ។

ក្រុមអ្នកភូមិខឹងសម្បាយ៉ាងខ្លាំង ពីព្រោះតែឈើគ្រញូងមួយដើមនោះ គឺពួកគេខំប្រឹងការពាររហូតដល់យកធ្វើជាកន្លែងបួងសួង និងសែនព្រេនផ្សេងៗតាមបែបជំនឿប្រពៃណីផង។

យុវជនម្នាក់នៅភូមិនគរក្រៅ សង្កាត់គោកចក ក្នុងចំណោមអ្នកភូមិជាច្រើនទៀត គឺលោក វ៉ន វណ្ណា។ លោកអះអាងថា កាលពីវេលាម៉ោងជាង ៥ល្ងាចថ្ងៃទី៥ ខែវិច្ឆិកា នៅពេលដែលលោកកំពុងតែបើកម៉ូតូរ៉ឺម៉កដឹកភ្ញៀវ ស្រាប់តែឮសូរអ្នកភូមិប្រាប់ថា មានមនុស្សមួយក្រុមប្រដាប់ដោយម៉ាស៊ីនរណារ បាននាំគ្នាទៅអារឈើគ្រញូងមួយដើមនោះ។ យុវជនដដែលបញ្ជាក់ថា ពេលឮដូច្នេះ លោកក៏ស្រូតដំណើរទៅមើល ក៏ប៉ុន្តែមនុស្សមួយក្រុមនោះបានចងខ្សែបិទផ្លូវ ហើយហាមឃាត់មិនឲ្យចូលទៅមើលទេ។ ទោះបីជាយ៉ាងណា លោក វ៉ន វណ្ណា អះអាងថា លោកបានស្គាល់ក្រុមមនុស្សទាំងនោះ គឺជាមន្ត្រីផ្នែកអភិរក្សព្រៃឈើរបស់អាជ្ញាធរអប្សរា ពីព្រោះឡានរបស់គេមានប្រើស្លាកលេខរបស់រដ្ឋ ព្រមទាំងសម្លៀកបំពាក់មានបញ្ជាក់ពីអង្គភាពដែរ៖ «គេហៅគាត់ថាពូ ផល អ្នកគ្រប់គ្រងតំបន់របស់អាជ្ញាធរអប្សរា។ គាត់ជាអ្នកឈរបញ្ជាឲ្យកាប់ គឺមានឡានស្ទូចមួយគ្រឿងផង»។

ប្រភពពីអ្នកភូមិនគរក្រៅ ឲ្យដឹងថា បុរសម្នាក់ដែលឈរបញ្ជាឲ្យមនុស្សជាច្រើនទៀតយកម៉ាស៊ីនរណារទៅអាររំលំឈើគ្រញូងមួយដើមធំនោះ គឺឈ្មោះ ចេវ ផល ជាប្រធានផ្នែកអភិរក្សព្រៃឈើរបស់អាជ្ញាធរអប្សរា។

ទោះជាយ៉ាងណា អាស៊ីសេរី មិនអាចទាក់ទងលោក ចេវ ផល និងមន្ត្រីអាជ្ញាធរអប្សរាដទៃទៀត ដើម្បីសុំការបំភ្លឺជុំវិញការចោទប្រកាន់នោះបានថាយ៉ាងណានៅឡើយ នៅថ្ងៃទី៦ ខែវិច្ឆិកា។

ចំណែកប្រធានមន្ទីរបរិស្ថានខេត្តសៀមរាប ដែលទៅពិនិត្យមើលដើមឈើរំលំដួលទៅហើយ លោក ភួង លីណា មានប្រសាសន៍ថា តាមការស្រាវជ្រាវជំហានដំបូង គឺលោកបានត្រឹមតែដឹងថាមានជនមួយក្រុមបានទៅលួចកាប់ឈើគ្រញូងនោះ ក៏ប៉ុន្តែលោកនៅមិនទាន់ហ៊ានអះអាងថាជនមួយក្រុមនោះជាអ្នកណានៅឡើយ។

ប្រជាពលរដ្ឋនៅភូមិនគរក្រៅ នាំគ្នាមើលដើមគ្រញូងដែលត្រូវគេលួចអាររំលំនៅតំបន់អង្គរធំ។ រូបថតថ្ងៃទី៦ ខែវិច្ឆិកា ឆ្នាំ២០១៦ RFA/Hang Savyouth RFA/Hang Savyouth

លោក ភួង លីណា បញ្ជាក់ថា គ្រញូងជាប្រភេទឈើមានតម្លៃបំផុត ដែលច្បាប់បានហាមឃាត់។ កម្លាំងរបស់លោក នឹងស្រាវជ្រាវករណីកាប់ឈើនេះ ហើយប្រសិនបើរកឃើញអ្នកដៃដល់ នឹងត្រូវយកទៅផ្ដន្ទាទោសផង និងពិន័យជាប្រាក់ផង៖ «យើងត្រូវតែធ្វើការស្រាវជ្រាវរកឲ្យឃើញថា តើអ្នកណាជាអ្នកកាប់ឈើមួយដើមនេះពិតប្រាកដ»។

អ្នកភូមិនគរក្រៅ ឲ្យដឹងថា កាលពី ៥-៦ខែមុន ឈើគ្រញូងមួយដើមធំនោះ ធ្លាប់ត្រូវបានក្រុមឈ្មួញលួចចូលទៅអារបម្រុងយកទៅលក់ដូរម្ដងមកហើយ ក៏ប៉ុន្តែទើបតែអារបានជម្រៅជាង ១តឹក ក៏បែកការណ៍ ហើយរត់គេចខ្លួនបាត់។

ប្រជាការពារភូមិនគរក្រៅ លោក ម៉ោង សុខុន ឲ្យដឹងថា នៅថ្ងៃទី៥ ខែវិច្ឆិកា អ្នកដែលអាររំលំដើមគ្រញូងនោះ មិនមែនជាពួកឈ្មួញរកស៊ីឈើទេ គឺជាមន្ត្រីអាជ្ញាធរអប្សរា។ បុរសដដែលបញ្ជាក់ថា នៅព្រឹកថ្ងៃទី៦ ខែវិច្ឆិកា គឺលោកបានទៅមើលឈើគ្រញូងនោះម្ដងទៀត ក៏ឃើញមន្ត្រីអភិរក្សព្រៃឈើរបស់អាជ្ញាធរអប្សរាកាន់ម៉ាស៊ីនរណារបម្រុងកាត់ឈើនោះយកដែរ៖ «គាត់ថាតំបន់នេះជាតំបន់ដែលគាត់គ្រប់គ្រង មិនអាចឲ្យអ្នកណាមកកាប់ឈើគ្រញូងនេះបានក្រៅតែពីគាត់ទេ»។

បុរសអ្នកភូមិនគរក្រៅ ម្នាក់ទៀត លោក កុយ ម៉ុម បានសម្ដែងការខឹងសម្បាយ៉ាងខ្លាំងចំពោះការកាប់ផ្ដួលដើមគ្រញូងមួយដើមនោះ។ គាត់មានប្រសាសន៍ថា ឈើគ្រញូងមួយដើមនេះ គឺមានអាយុប្រហែលជាង ២០០ឆ្នាំហើយ តាំងពីគាត់កើតមក គឺឃើញធំទៅហើយ។ បុរសដដែលអះអាងថា រូបគាត់ និងអ្នកភូមិ តែងនាំគ្នាទៅគោរព និងបន់ស្រន់នៅនឹងកន្លែងគ្រញូងមួយដើមនេះ៖ «ប្រជាជននៅនគរក្រៅ នេះមើលថែដើមគ្រញូងតែមួយដើមនេះឯង ខ្លាចតែវាបាត់មួយដើមនេះទៅ ក្មេងជំនាន់ក្រោយមិនស្គាល់។ ឥឡូវបាត់មែន!»។

អ្នកជំនាញខាងជួញដូរឈើឲ្យដឹងថា ឈើគ្រញូងមួយដើមដែលមានមុខកាត់ជិត ១ម៉ែត្រ និងកម្ពស់ ១៥ម៉ែត្រនោះ ប្រសិនបើយកទៅលក់ឲ្យឈ្មួញ យ៉ាងហោចណាស់ក៏វាមានតម្លៃប្រហែលនឹងឡានទំនើបឡិចស៊ីលសេរី ២០១៦ (LEXUS ២០១៦) ចំនួន ១គ្រឿង ឬជាង ១០ម៉ឺនដុល្លារ។

អភិបាលរងខេត្តសៀមរាប លោក គឹម ឆៃហៀង ឲ្យដឹងថា អាជ្ញាធរខេត្តកំពុងចាត់ឲ្យមន្ត្រីជំនាញចុះស៊ើបអង្កេតករណីនេះ ហើយជំរុញឲ្យមន្ទីរបរិស្ថាន កសាងសំណុំរឿងនេះដាក់ទៅព្រះរាជអាជ្ញាសាលាដំបូងខេត្តសៀមរាប ដើម្បីឲ្យចេញដីកាតាមរកចាប់ខ្លួនអ្នកដៃដល់ក្នុងការកាប់ឈើគ្រញូងនោះ។

លោក គឹម ឆៃហៀង បញ្ជាក់ថា បើទោះបីជាដើមគ្រញូងនោះស្ថិតនៅតំបន់អង្គរ និងធ្វើឲ្យប៉ះពាល់ដោយប្រការណាក៏ដោយ ក៏មន្ត្រីអភិរក្សមិនអាចសម្រេចចិត្តកាប់ដោយឯកច្ឆន្ទបានទេ គឺត្រូវទាមទារឲ្យមានកិច្ចសហការពីស្ថាប័នចម្រុះ ជាពិសេសគឺមន្ទីរបរិស្ថានដែលជាសមត្ថកិច្ចទទួលខុសត្រូវធំលើដើមឈើទាំងនោះជាមុនសិន៕

Security measures in place for Water Festival

Police patrol the Phnom Penh river front during the Water Festival in 2014. Vireak Mai

With the population of Phnom Penh set to swell for the coming Water Festival, National Police on Friday ticked off planned measures to ensure public safety but also identified a silver lining to the crowds: a few hundred thousand potential detectives.

At the meeting, police officials said authorities are hoping to utilise the extra eyeballs in town for the November 13-15 event to scan the crowds for wanted criminals.

“We will post pictures of theft and fraud suspects on Facebook because people . . . can check their smartphones and be more cautious, and they can report to us when they see these suspicious people [during the event],” Phnom Penh municipal police chief Touch Naroth told security officials.

According to Naroth, a total of 10,032 personnel – comprising national and military police officers, bodyguards, navy officers, technical experts and Ministry of Health officials – will also be deployed on each of the three days, with forces concentrated in areas where people are expected to gather.

Additionally, four hospitals will operate around the clock, with 31 ambulances on standby. The police fire brigade will also perform safety checks on stalls and educate vendors on fire precautionary measures.

When asked if the city will also be rounding up beggars ahead of the festival and sending them to the controversial Prey Speu detention centre, the facility’s chief, Ban Vutha, said: “We round up beggars from the streets every day, not just during Water Festival.”

This will be the second celebration held in six years, following a tragedy on the final day of the 2010 festival in which 353 people were killed in a crush on a bridge connecting the mainland to Koh Pich.

Two fined for holding illegal meat

Officials weigh seized wildlife meat late last week in Ratanakkiri province. Forestry Administration

Two Ratanakkiri men were reprimanded and fined late last week after a joint operation uncovered six mountain tortoises and more than 60 kilograms of illegal wildlife meat in their possession.

The 66-kilogram haul came from a cornucopia of illicit species, including wild boar, flying squirrel, porcupine, red deer, tortoises, black soft-shell turtles and monitor lizards.

The six mountain tortoises, weighing 14 kilos, were released into the forest.

The Lumphat district Forestry Administration, working together with the NGO Wildlife Alliance and other authorities, arrested the pair in Laban Siek commune, Banlung district on Thursday. Lumphat Forestry Administration chief Ly Sophan said the meat had been buried in the forest and declined to name the two men, who will not face charges.

“The two meat transporters were educated [about illegal wildlife trafficking] but they were not fined. They signed contracts promising to stop transporting and trading [wildlife meat] in the future,” Sophan said.

“In the event they do it in the future, they will be sent to the court for legal procedures.”

Ex-PM Sovann cremated in capital

The coffin of former prime minister Pen Sovann sits in a crematorium yesterday in Phnom Penh’s Dangkor district during his funeral ceremony. Hong Menea

The body of former prime minister Pen Sovann was cremated at Wat Russei Sanh on Phnom Penh’s southwestern outskirts yesterday, with family, friends and opposition officials gathering in white to bid farewell to the 80-year-old in a half-hour ceremony.

Sovann, who was Cambodia’s first prime minister after the fall of the Khmer Rouge, passed away at his home in Takeo province’s Donkeo town on October 29, and had been lying in wake at the Wat Than pagoda in the capital’s Chamkarmon district since Wednesday.

The ceremony was held after a procession from Wat Than to Wat Russei Sanh.

“We all already know that Pen Sovann persistently strived and struggled in his life and in politics since he was a child to serve his nation and his people,” said Cambodia National Rescue Party lawmaker Eng Chhay Eang in his eulogy. “Even when his body was sick, he was fearless in serving his nation.”

“The death of Pen Sovann is a tremendous loss for his family,” he continued, calling Sovann “a brave man, endowed with deeply patriotic ideals for his nation, and for his entire family”.

Sovann was premier for six months in 1981 until Vietnam removed him from the post and jailed him in Hanoi for a decade, reportedly for opposing Vietnam’s continued influence in Cambodia after its overthrow of the Khmer Rouge in 1979.

The CNRP – for whom Sovann served as a lawmaker since 2013 – had sought to hold the cremation at the central Wat Botum park, yet backed down last week and agreed to hold it on the outskirts. Cambodian People’s Party spokesman Sok Eysan had said that Sovann had forfeited any special honours after choosing to become an opposition lawmaker.

One killed, 19 injured in crashes

A van sits on the side of a road in Pursat province after it collided with a lorry, injuring 18 people. Photo supplied

Two separate traffic accidents left 19 passengers injured and one dead this weekend in Pursat province’s Krakor and Bakan districts, traffic police said.

The first accident injured 18 people, leaving 10 badly wounded, Pursat provincial traffic office director Sem Ros said.

The accident took place on Saturday when a lorry transporting oil sped up to pass a car and collided with a van driving in the opposite direction. Only one person in the lorry was injured, while 17 people in the van sustained injuries.

“The injured people were hospitalised at Pursat Provincial Referral Hospital. No one has died from their injuries,” Ros said.

In a separate incident, a truck carrying a rice-harvesting machine crashed into a barricade in Bakan district.

The truck was driven by Chhin Van, 35, from Krang Sbov village, in the commune of the same name, in Kampot province’s Chhouk district.

The rice-harvesting machine fell from the truck when the vehicle hit the barricade, killing Nguon Meuy, 26, who had been sitting on top of it, Ros said. One more worker, Pang Vai, 30, was also badly injured.

New JICA-funded traffic lights going up around city

Workers install a new traffic light on Phnom Penh's Sisowath Quay last week. Eli Lillis

Phnom Penh’s traffic lights will by mid-2017 no longer feature the presently ubiquitous countdown timer, with the replacement of the city’s 69 fixed signals with 100 new models controlled by officials in a central command centre now underway, an official said yesterday.

Workers last week began installing the 100 new signals, which will be equipped with cameras feeding footage back to a control room inside City Hall, a representative of Public Works and Transport Minister Sun Chanthol said in an email.

“The existing traffic signal system . . . is outdated and ineffective as they are isolated signals operating with a single fixed timing plan, regardless of traffic condition especially during morning and evening peak hours,” the official said.

Funded by the Japanese International Cooperation Agency (JICA), the system is scheduled to go online by May and will allow officials to keep major arteries open longer during peak-hour periods and better coordinate nearby lights, he said.

A map showing the planned installation locations for Phnom Penh’s new model traffic lights, which are slated to be partially operational by January. Photo supplied

“Traffic conditions [will be] continuously monitored by vehicle detectors installed at strategic locations in the road network, and signal timing is dynamically adjusted in real-time to make the most efficient use of the road network,” he said.

“At the meantime, we [are] in the process of installing those new traffic lights in some intersections,” he added. “Without waiting for everything to get ready to launch at once, some traffic lights will be up and running without the control room . . . from January 2017.”

The installation began last week, with workers erecting some of the 31 new sets of signals. The 69 existing fixed-time signals will be replaced later, the official said.

Among the 31 new locations, there will be three sets of signals along the riverfront at the intersection of streets 110, 154 and 240, and on Norodom Boulevard at streets 178, 184 and 240. Street 19 will have a set of lights at the intersection of Street 240.

A set of lights will also be installed at the intersection of Sihanouk Boulevard and Street 51, and two sets will be installed on either side of Aeon Mall on Sothearos Boulevard – one at the intersection by the Almond Hotel, and one south of the Sofitel hotel near Norodom Boulevard.

Another set will be placed on Russian Boulevard at the entrance to the old Boeung Kak lake, near where the Council of Ministers and the Defence Ministry intersect. There will also be two more sets at the northern end of Monivong Bouelvard.

None of the new signals are in operation yet, but the transport official said the initiative will cost about $8 million. JICA, which has for years urged measures to ease traffic congestion and also warned of serious future issues if more is not done now, did not respond to requests for comment.

Ear Chakriya, director of the Institute for Road Safety and a prominent past critic of the government’s handling of the city’s growing traffic issues, said he believed the system would be useful if coupled with better enforcement of the Traffic Law.

He said he had no fears the system could be mismanaged, and that manual control would be an improvement over the current automated system.

“I think that it can be helpful in easing traffic jams, especially at the intersections, because the new traffic lights have cameras so the officials can control them,” he said.

“If they can see that some places have serious jams, they can resolve it.”