មេឃុំព្រែកក្រឹស ស្រុកកំពង់ត្រាច ខេត្តកំពត មកពីខាងគណបក្សប្រជាជនកម្ពុជា លោក សេក ឈិន ព្រមានជំទប់ឃុំមកពីគណបក្សសង្គ្រោះជាតិ ឲ្យប្រយ័ត្នខ្លួន និងគំរាមមិនសហការជាមួយមន្ត្រីគណបក្សប្រឆាំងរូបនេះឡើយ។
ការព្រមាននេះ ដោយសារអ្នកទាំងពីរមានជម្លោះពាក្យសម្ដីជាមួយគ្នាកាលពីថ្ងៃអាទិត្យ ទី២០ វិច្ឆិកា នៅការិយាល័យចុះឈ្មោះបោះឆ្នោតក្នុងសាលាឃុំព្រែកក្រឹស។
នៅក្នុងពេលជាមួយគ្នានោះដែរ មេឃុំព្រែកក្រឹស ក៏បានហាមឃាត់មិនឲ្យអ្នកកាសែតថតរូបនៅខាងក្រៅបរិវេណសាលាឃុំ ដែលមានការិយាល័យបោះឆ្នោតនៅក្នុងសាលាឃុំនោះឡើយ។ ជម្លោះនេះ មិនមានកិច្ចអន្តរាគមន៍រកខុសត្រូវពីសមត្ថកិច្ចខាងណាមួយឡើយ ដោយក្រោយពីកើតមានភាពចម្រូងចម្រាសដោយពាក្យសម្ដីបានផ្ទុះឡើងមួយសន្ទុះ មេឃុំព្រែកក្រឹស មកពីខាងគណបក្សប្រជាជនកម្ពុជា លោក សេក ឈិន បានភៀសខ្លួនចេញពីកន្លែងកើតហេតុនោះទៅបាត់។
No comments:
Post a Comment