 |
| ៣-ធ្នូ-២០១៣៖ អង្គភាពប្រឆាំងអំពើពុករលួយ។ Photo: RFA |
នាយកដ្ឋានប្រកាសទ្រព្យសម្បត្តិ និងបំណុលនៃអង្គភាពប្រឆាំងអំពើពុករលួយ បានចេញសេចក្ដីប្រកាសថា ចាប់តាំងពីថ្ងៃទី១ ដល់ថ្ងៃទី២០ មករា មានមន្ត្រីមកប្រកាសទ្រព្យសម្បត្តិ និងបំណុលជិត ១ម៉ឺន ៥ពាន់នាក់ (១៤.៦៧១នាក់)។
លិខិតពីប្រធាននាយកដ្ឋានប្រកាសទ្រព្យសម្បត្តិ និងបំណុល លោក ចេង ប៊ុនឃៀង ឲ្យដឹងថា នេះជាលើកទី៤ នៃដំណើរការប្រកាសទ្រព្យសម្បត្តិ និងបំណុល ដែលចាប់ផ្ដើមរយៈពេល ៣១ថ្ងៃ ចាប់ពីថ្ងៃទី១ ដល់ថ្ងៃទី៣១ មករា។ នាយកដ្ឋានប្រកាសទ្រព្យសម្បត្តិ និងបំណុល ក្នុងរយៈពេលមួយខែនេះ ទទួលឯកសារប្រកាសទ្រព្យសម្បត្តិ និងបំណុល ៧ថ្ងៃក្នុងមួយសប្ដាហ៍ ដោយមិនឈប់សម្រាកថ្ងៃសៅរ៍ អាទិត្យ ឬថ្ងៃបុណ្យទេ៕
No comments:
Post a Comment