គ.ជ.ប នឹងបើកសវនាការលើពាក្យបណ្ដឹងជុំវិញបញ្ជីឈ្មោះបោះឆ្នោតនៅថ្ងៃទី១៦មករា
 |
| ទីស្ដីការគណៈកម្មាធិការជាតិរៀបចំការបោះឆ្នោត (គ.ជ.ប)។ Photo: RFA |
គណៈកម្មាធិការជាតិរៀបចំការបោះឆ្នោត (គ.ជ.ប) នឹងបើកសវនាការជាសាធារណៈចំពោះពាក្យ បណ្ដឹងចំនួន៧ ដែលនៅសេសសល់មិនទាន់ដោះស្រាយរួច ជុំវិញការតវ៉ាលើការបិទបញ្ជីឈ្មោះ បោះឆ្នោតអំឡុងពេល ១០ថ្ងៃនេះ។
អ្នកនាំពាក្យ គ.ជ.ប លោក ហង្ស ពុទ្ធា បានឲ្យដឹងថា រយៈពេល ១០ថ្ងៃ ពិនិត្យ និងផ្ទៀងផ្ទាត់បញ្ជីចុះឈ្មោះបោះឆ្នោតថ្មី គ.ជ.ប បានទទួលពាក្យបណ្ដឹងរហូតដល់ជាង ៧០០បណ្ដឹង ប៉ុន្តែករណីទាំងនោះបានដោះស្រាយរួចរាល់ហើយនៅតាមមូលដ្ឋាន ប៉ុន្តែនៅសេសសល់តែ ៧បណ្ដឹងប៉ុណ្ណោះដែលភាគច្រើនជាបណ្ដឹងប្ដឹងដោយគណបក្សសង្គ្រោះជាតិ។
សេចក្ដីជូនដំណឹងរបស់ គ.ជ.ប ឲ្យដឹងថា នៅព្រឹកថ្ងៃទី១៦ មករា គ.ជ.ប នឹងបើកសវនាការលើបណ្ដឹង៧ គឺបណ្ដឹងលេខ០៤៦ ដល់បណ្ដឹងលេខ០៥២ នៅសាលសន្និសីទ គ.ជ.ប។ បណ្ដឹងនេះ គឺជាបណ្ដឹងនៅសេសសល់ពីបណ្ដឹងសរុបចំនួនជាង៧០០ ដែលមិនទាន់ដោះស្រាយរួច ជុំវិញការតវ៉ាលើការបិទបញ្ជីឈ្មោះបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៤៕
No comments:
Post a Comment