បិទបញ្ចប់ព្រោះត្រូវតែបិទ។ នគរបាលក្រសួងពោះធំគ្មានសមត្ថភាពរកឃើញជនសង្ស័យឯណា ម្នាក់ទៀតក្រៅតែពីអឿត-អាង ហៅជួបសម្លាប់ទាល់តែសោះ។ សួរចម្លើយវាអត់បានផល លោកនាយ‹‹អ៊ត់ដំសាណី››ផ្កាយមាសបួន អ្នកនាំពាក្យក្រសួងពោះធំឱ្យដឹងថា អាជួបសម្លាប់នេះក្បាលរឹង ណាស់ សួរស្អីក៏វាមិនឆ្លើយដែរ ចោទថាវាប្រហែលមានជម្ងឺសសៃប្រសាទ រួចហើយបញ្ជូនសំណុំរឿងវាទៅ‹‹ដុល្លារការ››។ នគរបាលដុល្លារការក៏គ្មានសមត្ថភាពដូចតែនគរបាលក្រសួងពោះធំ សម្រេចបិទការស៊ើបអង្កេតបញ្ជូនអឿត-អាងទៅឱ្យពេទ្យឆ្កួតពិនិត្យ។ ពេទ្យឆ្កួតពីនិត្យអឿត-អាងមនុស្សជាច្រើនជឿវាឆ្កួត ក៏ធ្វើសេចក្តីរាយការណ៍ទៅដុល្លារការថាវាពិតជាមានជម្ងឺសសៃប្រសាទមែន។ ដុល្លារការលើកលែងការចោទប្រកាន់ បញ្ជូនវាទៅព្យាបាលនៅពេទ្យឆ្កួត។ នៅពេទ្យឆ្កួតអាអឿត-អាងលបរៀនចេវិធីឆក់ ខ្សែភ្លើង វាលបលួចឆក់គ្រូពេទ្យវាជារឿយៗមួយអាទិត្យម្តង ឬពីរដងជាប្រចាំ។ បីខែក្រោយមកគ្រូពេទ្យបាត់ឆ្កួត ស្រាប់តែឃើញថាអាអឿត-អាងជាមនុស្សជាដូចខ្លួនដែរ ធ្វើសេចក្តីរាយការណ៍ថ្មីជូនដុល្លារការថាខ្លួនបានព្យាបាលវាបានជាសះស្បើយហើយ។ យោងសេចក្តីរាយការណ៍ថ្មីរបស់ពេទ្យឆ្កួត ដុល្លារការចេញបញ្ជាឱ្យដោះលែងវាឱ្យមានសេរីភាពដើរហើរដូចគេដូចឯង។ ថ្ងៃចេញពីពេទ្យឆ្កួតមានឡានឡិចស៊ុស៣៥០មួយគ្រឿងមកទទួលវាចេញទៅ។ ពីរអាទិត្យក្រោយមកលោកអឿត-អាងហៅជួបសម្លាប់បានទទួលឋានន្តរស័ក្តិជាអនុសេនីយ៍ទោក្នុងកងអង្គរក្សនាយករដ្ឋមន្រ្តី។ ឯវំ៕
No comments:
Post a Comment