ផែនទីបោន ផែនទីយូធីអឹម តើវាខុសគ្នាយ៉ាងណាដែរ?

ខ្ញុំអាចសារភាពជាចំហថា ខ្ញុំអៀនខ្មាស់បន្តិចដែរ ដែលខ្ញុំក៏(អត់យល់)ជម្លោះរវាងខ្មែរនិងខ្មែរពីរឿងផែនទីបោនខ្នាតមួយ
លើ១០០ពាន់ និងផែនទី UTM ខ្នាត១លើ៥០ពាន់។ ជម្លោះដដែលៗនេះ ខ្ញុំបានឮយូរយាំងណាស់មកហើយ តាំងពីការបក
ស្រាយដូចៗគ្នារបស់ខ្មែរជាច្រើន មានដូចជាលោកស៊ានប៉េងសែ អតីតអ្នកមុខអ្នកការដ្ឋផ្នែងខាងព្រំដែន, លោកលីឌៀប,
ខ្មែរដទៃ, និងពេលថ្មីៗប៉ុន្មានថ្ងៃកន្លងទៅនេះ លោកថាច់សេដ្ឋា, ដែលអស់លោកអះអាងថាការប្រើប្រាស់ផែនទីយូធីអឹម
គឺខុសច្បាប់ ហើយវានឹងធ្វើឱ្យខ្មែរខាតបង់ទឹកដីខ្លួន ទៅក្នុងដៃយួន។ ខ្ញុំអត់យល់ជម្លោះរវាងខ្មែរនិងខ្មែរត្រង់ចំណុចហ្នឹង។

ចំណែកឯសម្តេចតេជោហ៊ុនសែន និងលោកសមរង្ស៊ី បានបញ្ជាក់ដូចគ្នាថា ការប្រើផែនទីយូធីអឹម គឺ(វាគ្រាន់តែ)មានរូប
ខ្សែផែនទីធំហើយច្បាស់ជាងផែនទីបោនខ្នាត១លើ១០០ពាន់តែប៉ុណ្ណោះ។ ប៉ុន្តែជា(ផែនទីដដែល)តែមួយ។ គឺគ្មានការ
គូរវាសជាថ្មីដោះដូរចំណុចត្រង់ណា ឱ្យខុសពីសំណៅដើមនៃផែនទីបោនខ្នាត១លើ១០០ពាន់នោះទេ។ អត់ទេ។

ដូច្នេះខ្ញុំចង់សួរបញ្ជាក់ថា តើអ្នកដែលយល់ថា ការផ្តោះប្តូរនិងប្រើប្រាស់ផែនទីយូធីអឹមហ្នឹង វាខុសគ្នាយ៉ាងណាពីការប្រើ
ប្រាសផែនទីបោនខ្នាត១លើ១០០ពាន់ ហើយវានឹងធ្វើឱ្យខ្មែរបាត់បង់ដីជាបន្ថែមទៅយួន ដោយសារអ្វីដែរ បើខ្មែរនឹងប្រើ
ផែនទីយូធីអឹមខ្នាត១លើ៥០ពាន់នេះ? ខ្ញុំមិនយល់ជម្លោះខ្មែរត្រង់ចំណុហ្នឹង ហើយក៏(មិនដែល)បានឮឬអានការបកស្រាយ
ច្បាស់លាស់ម្តងណា ពីខ្មែរណាម្នាក់សោះឡើយ។ សួថា តើយើងចេះតែនិយាយតៗគ្នា ដោយព្រួយបារម្មណ៍ពីរឿងបាត់ដី
ខ្លាំងពេកទេឬយ៉ាងម៉េច? ខ្ញុំនឹងសាកល្បងសរសេរអ៊ីមែល ផ្ញើជូននិងសួរនាំ ឯ.ឧ. ថាច់សេដ្ឋាពីចំណុចនេះ។

ខ្ញុំខ្លួនឯងក៏យល់ដូច្នេះដែរ គឺថា ផែនទីបោននិងផែនទីយូធីមឹន គឺជាDVDតែមួយ ដែលគេបញ្ចាំងក្នុងទូរទស្សន៍ មានទំហ៊ំ
ធំឬតូចជាងគ្នាតែប៉ុណ្ណោះ ប៉ុន្តែរូបភាពវានៅដដែលទាំងអស់ មិនប្រែប្រួលក្រឡៃខុសពីសំណៅដើមនោះទេ។ តែខ្មែរអ្នក
ជាតិនិយមដែលតែងតែអះអាងតៗគ្នាថា វាគ្រាន់តែជាករណីកិច្ច(បំពេញបន្ថែម) ឱ្យស្របតាមសន្ធិសញ្ញាបំពេញបន្ថែម
រវាងខ្មែរនិងយួននោះ គួរតែឆ្លៀតពេលសរសេរ ឬនិយាយ(បំភ្លឺឱ្យច្បាស់) ត្រង់ចំណុចដែលអស់លោក ទទូចជាដដែលៗ
ថានឹងធ្វើឱ្យខ្មែរ ត្រូវបាត់បង់ដីទៅយួន ដោយការប្រើផែនទីយូធីអឹមខ្នាត១លើ៥០ពាន់នេះ។

(សូមឈប់) និយាយដដែលៗបើយើងមិនអាចពន្យល់បាន នូវចំណុចនៃការអះអាងរបស់យើងនោះទេ។  ប៉ុន្តែបើយល់
សូមសរសេរ ឬនិយាយពន្យល់ឱ្យបានល្អក្បោះក្បាយ ពីការយល់ឃើញជាក់ច្បាស់ តាមចំណេះដឹងពិតប្រាកដរបស់អស់
លោក។ ធ្វើអ៊ីចឹងទើបយើងអាចបញ្ចប់ជម្លោះវែងឆ្ងាយ ដ៏ឥតប្រយោជន៍នេះបាន។

រឿងបូរណភាពទឹកដីជារឿងធំ ដែលត្រូវដោះស្រាយតែម្តងឱ្យបានរួចរាល់ ប្រកបដោយតម្លាភាព។ ដូច្នេះសូមខ្មែររាល់គ្នា
ចៀសវាង ការបូកបន្ថែមទម្ងន់នៃបញ្ហា យ៉ាងឥតប្រយោជន៍ បើយើងយល់មិនច្បាស់នូវបញ្ហាអ្វីមួយនោះ។ ជាការចាំបាច់
ដែលយើងត្រូវធ្វើពលិកម្ម ដោយការឆ្លៀតឱកាសសរសេរផ្សាយតាមបណ្តាញសារព័ត៌មាន នូវគំនិតដែលយើងមាន ហើយ
មានជំនឿថា ជាគំនិតត្រឹមត្រូវគួរឱ្យយើងរាល់គ្នាស្តាប់ហើយគិតគូរប្តូរយោបល់ជាបន្ត ដើម្បីផលប្រយោជន៍ប្រទេសយើង។

ខ្ញុំជឿថា សំណេរអ្វីដែលទាក់ទងដល់ផលប្រយោជន៍ល្អ ចំពោះសង្គមខ្មែរនៅកម្ពុជា គឺសូម្បីតែសម្តេចនាយករដ្ឋមន្ត្រីខ្មែរ
ក៏ប្រហែលជាលោកអានហើយ យកទៅបូកសងគិតគូរផងដែរ។ ដូច្នេះ ក្នុងករណីនេះ បើខ្មែរមើលឃើញយ៉ាងណា សូម
ជួយនិយាយជួយថា ម៉ាម៉ាត់ ម៉ា-ក ម្នាក់ ឱ្យបានច្បាស់ ដើម្បីដាស់តឿនសតិបញ្ញាគ្នាទៅវិញទៅមក ទើបចំណេញទាំងអស់
គ្នា ហើយវាអាចបង្កើតបានជាអារម្មណ៍ត្រជាក់ត្រជុំក្នុងសង្គមខ្មែរផងដែរ។

ទោះយ៉ាងណា មានចំណុចសំខាន់មួយ ក្រៅពីជម្លោះក្នុងការប្រើផែនទីមួយនេះឬមួយនោះ។ តាមព័ត៌មាននានា ដែលគេ
បានចុះផ្សាយកន្លងមក ឮថា ភូមិកំណើតលោកហេងសំរិន យួនយកខ្មុកទៅហើយ។ រឿងហ្នឹងវាពិតមែនឬយ៉ាងម៉េច?៕៚