 |
| រដ្ឋសភានៃប្រទេសកម្ពុជា RFA/Rann Samnang |
រដ្ឋសភាប្រកាសបិទកិច្ចប្រជុំលើកទី៧ នីតិកាលទី៥ ដោយបញ្ជាក់ថា បានអនុម័តច្បាប់ចំនួន៩ និងបំពេញកិច្ចការមួយចំនួនទៀត។
សេចក្ដីជូនដំណឹងរបស់អគ្គលេខាធិការដ្ឋានរដ្ឋសភានៅថ្ងៃទី៦ ខែមករា អោយដឹងថា ក្នុងដំណើរការកិច្ចប្រជុំលើកទី៧ ដែលបានចាប់ផ្ដើមកាលពីខែតុលា ឆ្នាំ២០១៦ បន្តរហូតដល់ថ្ងៃទី៧ ខែមករា ឆ្នាំ២០១៧ សភាបានអនុម័តច្បាប់ចំនួន៩ ទៅតាមការស្នើរបស់រដ្ឋាភិបាល។
ក្នុងនោះដែរ រដ្ឋសភាបានបោះឆ្នោតផ្ដល់សេចក្ដីទុកចិត្តលើអគ្គសវនករ និងអគ្គសវនកររងចំនួន ៣រូប អោយបំពេញការងារនៅអគ្គសវនកម្មជាតិសម្រាប់បន្តអាណត្តិក្នុងរយៈពេល ៥ឆ្នាំទៀត។ ស្របគ្នានេះ រដ្ឋសភាក៏បានស្ដាប់ការឆ្លើយបំភ្លឺផ្ទាល់មាត់របស់រដ្ឋមន្ត្រីមួយរូបគឺ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល។
សេចក្ដីជូនដំណឹងដដែលបញ្ជាក់ថា កិច្ចប្រជុំលើកទី៧ នីតិកាលទី៥ របស់រដ្ឋសភា ត្រូវបិទបញ្ចប់នៅថ្ងៃទី៧ ខែមករា ឆ្នាំ២០១៧៕
No comments:
Post a Comment