 |
| ទិដ្ឋភាពនៅច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ កាលពីថ្ងៃទី៩ ខែមេសា ឆ្នាំ២០១៦។ RFA/Hum Chamroeun |
គេហទំព័ររបស់អគ្គស្នងការនគរបាលជាតិ ឲ្យដឹងនៅថ្ងៃទី១២ ខែមករា ថា លោកឧបនាយករដ្ឋមន្ត្រី កែ គឹមយ៉ាន សម្រេចមិនឲ្យលក់លិខិតអនុញ្ញាតបណ្ដោះអាសន្នតម្លៃ ១ពាន់រៀល ទៅប្រជាពលរដ្ឋចូលផ្សាររ៉ុងក្លឿ ប្រទេសថៃ តាមច្រកអន្តរជាតិប៉ោយប៉ែត ខេត្តបន្ទាយមានជ័យ នោះទេ។
គេហទំព័រដដែលបន្ថែមថា ប្រធានស្នាក់ការត្រួតពិនិត្យច្រកព្រំដែនអន្តរជាតិប៉ោយប៉ែត លោក វួច អូន នឹងប្រជុំសម្រេចមិនឲ្យលក់លិខិតអនុញ្ញាតបណ្ដោះអាសន្នតម្លៃ ១ពាន់រៀល ជូនប្រជាពលរដ្ឋទូទៅចូលប្រទេសថៃ តាមច្រកនេះ នៅថ្ងៃទី១៣ ខែមករា។
ការសម្រេចចេញដោយលោក កែ គឹមយ៉ាន នោះ កំណត់អោយអនុវត្តចាប់ពីថ្ងៃទី១៤ មករា ឆ្នាំ២០១៧ តទៅ។ បើទោះជាយ៉ាងណា គេហទំព័ររបស់អគ្គស្នងការនគរបាលជាតិ ពុំបានបញ្ជាក់ពីមូលហេតុនៃការសម្រេចនេះទេ។
ប្រជាពលរដ្ឋទិញសំបុត្រចូលផ្សាររ៉ុងក្លឿ ប្រទេសថៃ ប្រមាណពី ៨០០ ទៅ ១ពាន់នាក់ ក្នុងមួយថ្ងៃ៕
No comments:
Post a Comment